រដ្ឋមន្ដ្រីក្រសួងព័ត៌មានថា ៖ អ្នកកាសែត មិនមែនធ្វើការជំនួស សមត្ថកិច្ចនោះទេ គឺត្រូវរង់ចាំនៅពេលគេស្រាវជ្រាវ វាយតម្លៃហេតុការណ៍នោះចប់ជាមុនសិន ទើបមានអ្នកនាំពាក្យ របស់អាជ្ញាធរសមត្ថកិច្ចនោះ ជាអ្នកផ្តល់ព័ត៌មាន ឲ្យជាផ្លូវការ
ភ្នំពេញ៖ ថ្លែងក្នុងកិច្ចប្រជុំប្រចាំសប្ដាហ៍ នៅព្រឹកថ្ងៃទី៨ ខែកុម្ភៈ ឆ្នាំ ២០២១នេះ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានបញ្ជាក់ថា អ្នកកាសែត មិនមែនធ្វើការជំនួស សមត្ថកិច្ច នោះទេ គឺត្រូវរុងចាំនៅ ពេលគេធ្វើការស្រាវជ្រាវវាយតំលៃហេតុការណ៏នោះចប់ជាមុនសិន ទើបមានអ្នកនាំពាក្យ របស់អាជ្ញាធរសមត្ថកិច្ចនោះ ជាអ្នកផ្តល់ព័ត៌មានអោយជាផ្លូវការ។
លោករដ្ឋមន្ត្រី បានឡើងពីការ តវ៉ារបស់ សម្ព័ន្ធអ្នកសារព័ត៌មានកម្ពុជា CamboJA និងបណ្តាសមាគមអ្នកកាសែត មួយចំនួន ទាក់ទងទៅការហាមមិនអោយអ្នកសារព័ត៌មាន ចូលថតនៅក្នុតំបន់សមត្ថកិច្ចហាមឃាត់ដែល បញ្ហានេះត្រូវបានចោទថា ជាការរារាំងសេរីភាព និងបានចោទបន្ថែមទៅលើការណែនាំរបស់ ស្នងការនគរបាលរាជធានីភ្នំពេញ ដោយយកសំដីរបស់រដ្ឋមន្ត្រី ក្រសួងព័ត៌មាន ដើម្បីអាច ចាប់អ្នកសារព័ត៌មាន ។
ពាក់ពន្ធ័ទៅការចោទប្រកាន់នេះលោករដ្ឋមន្ត្រី ខៀវ កាញារីទ្ធ បានបញ្ជាក់ថា៖ ដោយសារសមាគមសារព័ត៌មានមួយចំនួននោះ មិនបានយល់អ្វីដែលជាច្បាប់ នោះទេ ដែលហៅថាដែនសមត្ថកិច្ចហាមឃាត់ ត្រូវបានកំណត់ការហាមចូល បើនៅសហរដ្ឋ អាមេរិកវិញ នៅពេលដែលហ៊ានចូលក្នុងដែនហាមឃាត់របស់សមត្ថកិច្ច គឺត្រូវចាប់ដាក់ខ្នោះ តែម្តង។
ក្នុងរយះពេលកន្លងមកនេះលោក ស ថេត ស្នងការនគរបាលរាជធានី ភ្នំពេញបានបញ្ជាក់ច្បាស់ថា នៅក្នុងពេល សមត្ថកិច្ច កំពុងធ្វើការស៊ើបអង្កេតរឿងព្រហ្មទណ្ឌ ឬរឿងអ្វីមួយ គឺមិនអនុញ្ញាតឲ្យថតនោះទេ ដើម្បីរក្សាការសម្ងាត់។ ការហាមឃាត់មិនឲ្យអ្នកសារព័ត៌មានថត គឺមិនមែនហាមគ្រប់កន្លែងទាំងអស់នោះទេ តែក៏ត្រូវយល់ដឹងច្បាស់ថា អ្នកសារព័ត៌មាន មិនអាចចូលថតបាននៅគ្រប់ទីកន្លែងនោះទេ។ ដូច្នេះត្រូវយល់ពីដែនសមត្ថកិច្ច និងយល់ពីភារកិច្ចរបស់អ្នកសារព័ត៌មាន មានសិទ្ធិត្រឹមកំរិតណា ដោយមិនត្រូវទៅបំពាននៅ កន្លែងគេនោះទ៕ សំរិត