ថ្ងៃទី២០ កុម្ភៈចាប់ផ្ដើមប្រកួតបាល់ទាត់ពានរង្វាន់ក្រសួងអប់រំយុវជន និង កីឡាលើកទី៣
ភ្នំពេញ៖ព្រឹត្តឹការណ៍ប្រកួតបាល់ទាត់វ័យចាស់ក្រៅអាជីពដណ្ដើមពានរង្វាន់ក្រសួងអប់រំយុវជននិងកីឡាលើកទី៣ឆ្នាំ២០២១នឹងចាប់ផ្ដើមការប្រកួតចាប់ពីថ្ងៃទី២០ ខែកុម្ភៈ ឆ្នាំ២០២១ តទៅ ។
ការប្រកួតឆ្នាំនេះមានក្រុមចូលរួមចំនួន៣៣មកពីអង្គភាពចំណុះទីស្ដីការក្រសួងចំនួន៨និងរាជធានីខេត្តទាំង២៥ចំពោះកីឡាករដែលមានសិទ្ធិចូលរួមប្រកួតគឺជាមន្ត្រីរាជការពេញសិទ្ធក្នុងអង្គភាពនីមួយៗដោយមានអគ្គនាយកដ្ឋានចំនួន៦អគ្គាធិការដ្ឋាននិងគណៈកម្មាធិការទទួលស្គាល់គុណភាពអប់រំនៃកម្ពុជា ។
ការប្រកួតពានរង្វាន់បាល់ទាត់ក្រសួងអប់រំ យុវជន និងកីឡា បែងចែកជា៦ពូលគឺ ពូល (ក) រាជធានីភ្នំពេញ (ម្ចាស់ផ្ទះ) ខេត្តកណ្ដាល កំពង់ស្ពឹ កំពង់ឆ្នាំង និងតាកែវ ពូល(ខ)ខេត្តព្រៃវែង(ម្ចាស់ផ្ទះ) ស្វា យរៀង កំពង់ចាម និងត្បូងឃ្មុំ ពូល(គ) ខេត្តស្ទឹងត្រែង (ម្ចាស់ផ្ទះ) មណ្ឌលគីរី រតនៈគីរី និងក្រចេះ ។
ពូល(ឃ) ខេត្តសៀមរាប(ម្ចាស់ផ្ទះ) ព្រះវិហារ កំពង់ធំ និងឧត្តរមានជ័យ ពូល(ង) ខេត្តបាត់ដំបង(ម្ចាស់ផ្ទះ) បន្ទាយមានជ័យ ប៉ៃលិន និងពោធិ៍សាត់ ពូល(ច) ខេត្តកំពត(ម្ចាស់ផ្ទះ) កោះកុង ព្រះសីហនុ និងកែប ពូល(ឆ) អគ្គាធិការដ្ឋាន គណៈកម្មាធិការទទួលស្គាល់គុណភាពអប់រំនៃកម្ពុជា អគ្គ.ឧត្តមសិក្សា និងអគ្គ.រដ្ឋបាល&ហិរញ្ញវត្ថុ និងពូល(ឆ) អគ្គនាយកដ្ឋានកីឡា អគ្គ.ផែន-គោលនយោបាយ អគ្គនាយកដ្ឋានអប៉រំ និងអគ្គនាយកដ្ឋានយុវជន។
