ក្រុមបាល់ទាត់កុមារាខ្សាច់កណ្តាល និងកុមារីក្រុងតាខ្មៅ លើពានការប្រកួតកីឡាសិស្សបឋមសិក្សាជើងឯក ខេត្តកណ្តាល ប្រចាំឆ្នាំ២០២០-២០២១
ភ្នំពេញ៖ក្រុមបាល់ទាត់កុមារាខ្សាច់កណ្តាល និងក្រុមបាល់ទាត់កុមារីក្រុងតាខ្មៅគ្រងតំណែងជើងឯក នៃព្រឹត្តិការណ៍ការប្រកួតកីឡាសិស្សបឋមសិក្សាជ្រើសរើសជើងឯកខេត្តកណ្តាលប្រចាំឆ្នាំ ២០២០-២០២១រៀបចំការប្រកួតការិយាល័យអប់រំកាយ និងកីឡានៃមន្ទីរអប់រំ យុវជន និងកីឡាខេត្តកណ្តាលដើម្បីចម្រាញ់រកកីឡាករ-កីឡាការិនីវ័យក្មេងចូលរួមការប្រកួតទូទាំំងប្រទេស។
លោក ពៅ វណ្ណា ប្រធានការិយាល័យអប់រំកាយ និងកីឡា បាននិយាយថា ការប្រគល់ពាន និងមេដាយជូនក្រុមកីឡាករ-កីឡាការិនីកុមារឆ្នាំនេះមិនមានការរៀបចំផ្លូវការឡើយ ដោយយើងប្រគល់តាមវិញ្ញាសានីមួយៗតាមអ្វីដែលធ្វើទៅបាន។ វិញ្ញាសាបាល់ទាត់កុមារា មេដាយមាសបានលើក្រុមការិយាល័យអប់រំកាយ និងកីឡា ស្រុកខ្សាច់កណ្តាល មេដាយប្រាក់ បានលើក្រុមការិយាល័យអប់រំកាយ និងកីឡាក្រុងតាខ្មៅ និងមេដាយសំរិទ្ធ បានលើក្រុមការិយាល័យអប់រំកាយ និងកីឡាស្រុកកោះធំ។
ចំណែកកុមារីវិញ៖មេដាយមាសបានលើក្រុមការិយាល័យអប់រំកាយ និងកីឡាក្រុងតាខ្មៅ និងមេដាយប្រាក់បានលើក្រុមការិយាល័យអប់រំកាយ និងកីឡាស្រុកកណ្តាលស្ទឹង។ វិញ្ញាសាបាល់បោះកុមារា៖មេដាយមាសបានលើក្រុមការិយាល័យអប់រំកាយ និងកីឡា ក្រុងតាខ្មៅ មេដាយប្រាក់បានលើក្រុមការិយាល័យអប់រំកាយ និងកីឡា ស្រុកកណ្តាលស្ទឹង និងមេដាយសំរិទ្ធបានលើក្រុមការិយាល័យអប់រំកាយ និងកីឡាស្រុកកៀនស្វាយ។
ដោយឡែកកុមារី:មេដាយមាសបានលើក្រុមការិយាល័យអប់រំកាយ និងកីឡា ស្រុកកណ្តាលស្ទឹង មេដាយប្រាក់បានលើក្រុមការិយាល័យអប់រំកាយ និងកីឡា ស្រុកស្អាង និងមេដាយសំរិទ្ធបានលើក្រុមការិយាល័យអប់រំកាយ និងកីឡា ក្រុងតាខ្មៅ៕