លោក ចេង មុនីរ៉ា អញ្ជើញចុះជួបសំណេះសំណាល ជាមួយសមាជិក ក្រុមប្រឹក្សាសង្កាត់ នាយប៉ុស្តិ៍នគរបាល ស្មៀនសង្កាត់ និងមេភូមិទាំង៣ នៃសង្កាត់ច្បារអំពៅទី១
ភ្នំពេញ ៖ នៅព្រឹកថ្ងៃទី០៩ ខែកញ្ញា ឆ្នាំ២០២១ លោក ចេង មុនីរ៉ា អភិបាល នៃគណៈអភិបាលខណ្ឌច្បារអំពៅ បានអញ្ជើញជួបសំណេះសំណាលជាមួយសមាជិកក្រុមប្រឹក្សាសង្កាត់ នាយប៉ុស្តិ៍នគរបាល ស្មៀនសង្កាត់ និងមេភូមិទាំង៣ នៅសាលាសង្កាត់ច្បារអំពៅទី១ ។
ក្នុងពិធីជួបសំណេះសំណាលនេះដែរ លោកអភិបាលខណ្ឌ បានធ្វើការសាកសួរសុខទុក្ខ ក៏ដូចជាការទម្រង់ទិសបន្ថែម ក្នុងការផ្ដល់សេវាជូនប្រជាពលរដ្ឋ និងលើកទិសដៅ ជូនដល់រដ្ឋបាលសង្កាត់ ដើម្បីអនុវត្តបន្ត។
ក្នុងឱកាសរីករាយស្និទ្ធស្នាលនោះដែរ លោកអភិបាលខណ្ឌបានឧបត្ថម្ភជូនសមាជិកចូលរួម ក្នុងម្នាក់ថវិកា ៥ម៉ឺនរៀល ៕