ម្ចាស់ផ្ទះកាន់គ្រូ រៀបចំអាសនៈគ្រូ បានដុតធូបទៀនជាប្រចាំ ហើយនៅពេលដែលភ្លើងឆេះ ម្ចាស់ពុំនៅផ្ទះ
ខេត្តបន្ទាយមានជ័យ៖ នៅថ្ងៃទី០១ ខែតុលា ឆ្នាំ២០២១ វេលាម៉ោង ១៩និង៥០ នាទី មានករណីអគ្គីភ័យឆាបឆេះផ្ទះប្រជាពលរដ្ឋចំនួនមួយខ្នងផ្ទះទំហំ ៥.៧០x៧ មែត្រ ធ្វើពីឈើក្រាលក្តារ ជញ្ជាំងក្តា ប្រក់ស័ង្កសី ម្ចាស់ឈ្មោះ វី សាវ៉ៃ ភេទ ប្រុស អាយុ ៥២ ឆ្នាំ រស់នៅភូមិត្រពាំងថ្មខាងជើង ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ ។
កម្លាំងអធិការដ្ឋាននិងកម្លាំងប៉ុស្តិប៉ោយចារសរុប១៥នាក់ និងរថយន្តពន្លត់អគ្គីភ័យ០១គ្រឿង ដឹកនាំដោយលោកវរសេនីយ៍ត្រី តក់ សួគ៍ អធិការរង ចុះដល់កន្លែងកើតហេតុ ប្រើប្រាស់ទឹកអស់ចំនួន០២រថយន្តទើបភ្លើងរលត់១០០% ។
មូលហេតុ: បណ្តាលមកពីម្ចាស់ផ្ទះកាន់គ្រូនៅក្នុងផ្ទះមានការរៀបចំអាសនៈ(គ្រូ) បានដុតធូបទៀនជាប្រចាំ ហើយនៅពេលដែលភ្លើងឆេះពុំមានម្ចាស់នៅនឹងផ្ទះទេ ។
ការខូចខាត: - ខូចខាតផ្ទះផ្នែកខាងលើប្រហែល ២០% - ទ្រព្យសម្បត្តិសំលៀកបំពាក់ និងរបស់របរប្រើប្រាស់ក្នុងផ្ទះមួយចំនួន ៕
