នគរបាលក្រុងបាត់ដំបង បង្រ្កាបករណីចោរលួចមួយករណីឃាត់ខ្លួន អ្នកប្រព្រឹត្តិចំនួន០១នាក់ អនុវត្តតាមច្បាប់
បាត់ដំបង ៖ កាលពីថ្ងៃ ទី៥ ខែ មេសា ឆ្នាំ២០២២ វេលាម៉ោង១៦និង៣០នាទីមានករណីអំពើលួចមួយកើតឡើងត្រង់ចំណុចក្រុមទី០២ ភូមិព្រៃកូនសេក សង្កាត់អូរចារ ក្រុងបាត់ដំបង មានករណីលួចយកទ្រព្យសម្បត្តិមួយករណី ដែលសកម្មភាពនេះ គឺជនសង័្សយមិនស្គាល់អត្តសញ្ញាណ បានធ្វើសកម្មភាពលួចយកកាបូបរបស់ជនរងគ្រោះឈ្មោះថន ចាន់ធៀង អាយុ២៩ឆ្នាំ មានទីលំនៅភូមិព្រៃកូនសេកសង្កាត់អូរចារ ក្រុងបាត់ដំបង ដែលក្នុងកាបូបនោះមាន៖
-ប្រាក់រៀលចំនួន ៣៥ម៉ឺនរៀល
-ប្រាក់បាតចំនួន ៧,០០០បាត
-កាបូបស្ពាយចំហៀងពណ៌ប្រផេះចំនួន ០១ ។
នៅក្រោយពេលកើតហេតុ ជនរងគ្រោះបានប្តឹងរាយការណ៍មកសមត្ថកិច្ចនគរបាលក្រុងបាត់ដំបង ហើយអនុវត្តតាមយោបល់ដឹកនាំជាប្រចាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ឯក ពេជ្រ សារ៉ែន អធិការនគរបាលក្រុងបាត់ដំបង បានធ្វើការស្រាវជ្រាវលើករណីនេះ រហូតសមត្ថកិច្ចឈានទៅធ្វើការឃាត់ខ្លួនជនសង័្សយចំនួន០១នាក់ឈ្មោះ សុង សម្ភស្ស ភេទស្រី អាយុ៣០ឆ្នាំមានទីលំនៅភូមិអង់ សង្កាត់អូរចារក្រុងបាត់ដំបង មកធ្វើកាសាកសួរស្រាវជ្រាវ ក្នុុងថ្ងៃដដែល ហើយតាមរយៈការសាកសួរស្រាវជ្រាវនេះ ជនសង័្សយបានឆ្លើយសារភាពថារូបគាត់ពិតជាបានលួចយកទ្រព្យសម្បត្តិរបស់ ជនរងគ្រោះខាងលើប្រាដកមែន។
សមត្ថកិច្ចដកហូតបាន៖
-ប្រាក់រៀលចំនួន ៣៥ម៉ឺនរៀល
-ប្រាក់បាតចំនួន ៧,០០០បាត
-កាបូបស្ពាយចំហៀងពណ៌ប្រផេះចំនួន ០១ ។
ករណីខាងលើនេះសមត្ថកិច្ចនគរបាលក្រុងបាត់ដំបង បានកសាងសំណុំរឿងបញ្ជូនមកការិយា ល័យជំនាញអនុវត្តតាមនិតិវិធី ច្បាប់ រីឯទ្រព្យសម្បត្តិបានប្រគល់ជូនជនរងគ្រោះវិញហើយ៕
