ព្រះមហាក្សត្រត្រាស់បង្គាប់តែងតាំង ឯកឧត្ដមសុខលូជាអភិបាលខេត្តបាត់ដំបងសម្រាប់អាណត្តិទី២

ភ្នំពេញ៖ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់តែងតាំង ឯកឧត្ដម សុខ លូ ជាអភិបាលខេត្តបាត់ដំបង សម្រាប់អាណត្តិទី២។ នេះបើយោងតាមព្រះរាជក្រឹត្យដែលទទួលបាននៅថ្ងៃទី៥ ខែធ្នូ ឆ្នាំ២០២៥។

សូមបញ្ជាក់ថា អភិបាលខេត្តមួយរូប អាចគ្រប់គ្រងខេត្តមួយបានពីរអាណត្តិ។ មួយអាណត្តិមានរយៈពេល៤ឆ្នាំ។ ឯកឧត្ដម សុខ លូ  បានគ្រប់គ្រងខេត្តបាត់ដំបងនៅឆ្នាំ២០២១៕