តារាចម្រៀង ស្រីស្អាតបាន មុន្នីល័ក្ខ ចេញពីហង្សមាស ចូលក្រុមហ៊ុនសាន់ដេ វិញ
ភ្នំពេញ៖ អតីតបេក្ខជនThe Voice Cam bodia កញ្ញា បាន មុន្នីល័ក្ខ មួយរយៈចុងក្រោយនេះបានទាញប្រជាប្រិយយ៉ាងខ្លាំងក្លា តាមរយៈការលើកយកបទមរតកដើមមកបកស្រាយឡើងវិញ ប៉ុន្តែក្រោយពីការចេញច្រៀងនេះក៏ត្រូវមហាជនតែងសង្ស័យថាតារាស្រីទើបប្រកាសដំណឹងបែកស្នេហ៍រួមគូដណ្តឹង ឌីជេ ខេក បានចែកផ្លូវគ្នាពីផលិតកម្ម WE ដែលជាក្រុមហ៊ុនតែមួយជាមួយហង្សមាស ខណៈដែលមួយរយៈចុងក្រោយនេះហាក់មិនសូវជាមានបទថ្មីចេញក្នុងផលិតកម្មនេះសោះ ។
ដោយឡែកយើងតែងតែឃើញតារាស្រីរូបច្រៀងបទ Cover មរតកដើមបង្ហោះលើយូធូបទៅវិញតែក្នុងនោះក៏មានការគាំទ្រយ៉ាងច្រើនផងដែរ។ ។ ទន្ទឹមចម្ងល់មហាជនមិនទាន់រំលងប៉ុន្មានផងនៅមុននេះបន្តិចគេស្រាប់ប្រទះតារាស្រីល្បីទឹកមុខមានមន្តស្នេហ៍រូបនេះបានរំលេចសំនៀងរួមតារាប្រុសច្រមុះស្អាត ខាន់ ជេមស៍ គ្រាកំពុងថតសំឡេង និងបនិងបានរៀបរាប់ភ្ជាប់ខ្លីថា៖ ត្រៀមៗបងប្អូនអ៊ំពូមីងរាំវង់ប្រពៃណីជាតិខ្មែរឆាប់ៗនេះ ពីខ្ញុំបាទ ខាន់ ជេមស៍ និងកញ្ញាបានមុន្នីល័ក្ខ ។ ស្របគ្នានេះត្រូវបានមជ្ឈដ្ឋានបានទាញការសន្និដ្ឋានថា៖ ប្រហែល មុន្នីល័ក្ខ ចូលសាន់ដេ ហើយយ៉ាង ណាមិញតាមរយៈការសន្និដ្ឋានមួយនេះពុំទាន់ពិតប្រាកដមួយរយភាគរយនៅឡើយទេ ខណៈសំនៀងអ្នកទាំងពីររួមគ្នាត្រូវអ្នកគាំទ្រទាំងសងខាងលាន់មាត់ថាពិរោះ ហើយក៏មានអ្នកខមិនទំនងជាពេញចិត្តខ្លាំងថា៖បើបងទាំងពីរចូលសាន់ដេរួមគ្នាមែន ប្រាកដជាផ្ទុះខ្លាំងហើយ ៕
