លោកស ថេត : នគរបាលមិនត្រូវអង្គុយលើម៉ូតូ ចុចទូរស័ព្ទ ខណៈពពលផ្លូវកំពុងស្ទះ នោះទេ
ភ្នំពេញ: លោកស្នងការរាជធានីបានស្នើឲ្យមន្ត្រីរបស់ខ្លួនត្រូវបន្ត កែឥរិយាបថ និងសំដីត្រូវទន់ភ្លន់ ដោយមិនត្រូវអង្គុយលេីម៉ូតូ ឬចុចទូរស័ព្ទ ខណ:ដែលផ្លូវកំពុងកកស្ទះ។
បើតាម facebook ផ្លូវការនៅថ្ងៃទី 26 ខែមីនាឆ្នាំ 2019 លោកសថេតអគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញបានថ្លែងថា
ខ្ញុំបានដឹកនាំកិច្ចប្រជុំប្រចាំខែ ដេីម្បីស្តាប់រាល់មតិយោបល់និង បញ្ហាប្រឈមនានាពីប្រធានគោលដៅចរាចរ និងមន្រ្តីនគរបាលចរាចរដែលអនុវត្តផ្ទាល់តាមគោលដៅ។
រាជធានីភ្នំពេញ មានការរីកចម្រើនយ៉ាងឆាប់រហ័ស ជាពិសេសកំណើនពលរដ្ឋ មធ្យោបាយធ្វើដំណើរ និងអគារ ក៏កាន់តែកើនឡើងច្រើនជាបន្តបន្ទាប់ ដូច្នេះ ដំណោះស្រាយបញ្ហាកកស្ទះចរាចរ ទាមទារអោយមានការដោះស្រាយដោយឆ្លាតវៃផងដែរ។
លោកស្នងការបានលើកឡើងថា
ខ្ញុំបានដោះស្រាយ និងផ្តល់យោបល់ជាច្រេីន ក្នុងគោលដៅជំរុញអោយការងារចរាចរកាន់តែល្អ ដូចជា: ស្តាប់មតិពីប្រធានគោលដៅចរាចរមួយចំនួន បានដឹងថាគោលដៅរបស់ពួកគាត់ ភាគច្រេីនស្នេីបន្ថែមកម្លាំង ព្រោះគោលដៅខ្លះ មានតែកម្លាំងតែ៣នាក់ ហេីយកម្លាំងចាស់ៗ ភាគច្រេីន មានជម្ងឺទឹកនោមផ្អែម និងចាស់ជរាជាដេីម។ ផ្តល់រថយន្ត៣គ្រឿងដល់ក្រុមអន្តរាគមន៍ចរាចរ ដេីម្បីអោយពួកគាត់ងាយចល័តទៅដោះកន្លែងកកស្ទះខ្លាំង។ កំពុងគិតរកកន្លែងអោយមន្រ្តីនគរបាលចរាចរស្នាក់នៅកន្លែងគោលដៅតែម្តង ដេីម្បីដោះស្រាយបញ្ហាកកស្ទះ និងទប់ស្កាត់បទល្មេីសផ្សេងៗទៀត។ ត្រូវបន្តកែឥរិយាបថ និងសំដីត្រូវទន់ភ្លន់ ដោយមិនត្រូវអង្គុយលេីម៉ូតូ ឬចុចទូរស័ព្ទ ខណ:ដែលផ្លូវកំពុងកកស្ទះឡេីយ។ ត្រូវឈលេីគំនូសថ្មេីជេីង ដេីម្បីអប់រំពលរដ្ឋអោយគោរពច្បាប់ចរាចរ។ អរគុណដែលប្រធានគោលដៅចរាចរដែលលេីកឡេីងបញ្ហាចំៗ។ ពេលផាករថយន្តគ្រប់ប្រភេទ ត្រូវអោយឡានអែបស្តាំ កុំនៅកណ្តាលផ្លូវ។ ការដាក់ទីតាំងអចិន្រ្តៃយ៍ក្នុងការឃាត់រថយន្តធុនធំ មាន៣គោលដៅ ដូចជាផ្លូវហាណូយ ផ្លូវ២០០៤ និងផ្លូវជាតិលេខ១។ ខ្ញុំនឹងទាក់ទងទៅប្រធានគោលដៅចរាចរផ្ទាល់នៅពេលដឹងថាមានរថយន្តធុនធំចូលគោលដៅណានោះ ។ ត្រូវបន្តត្រួតពិនិត្យគ្រឿងស្រវឹងជាប្រចាំ ដេីម្បីទប់ស្កាត់រាល់បទល្មេីស ។ កំណត់ពេលវេលា ប្រជុំជាប្រចាំខែដេីម្បីដោះស្រាយរាល់បញ្ហាប្រឈម ។ ត្រូវត្រៀមខ្លួនសម្រាប់កិច្ចប្រជុំអាស៉ីអឺរ៉ុប៕