ចិនស្រវឹងស្រា បើករថយន្តបុករបាំងថ្មពុះចែកទ្រូវផ្លូវវៀចអស់៤កង់ ត្រូវសមត្ថកិច្ចឃាត់ខ្លួន

ភ្នំពេញ៖ បុរសជនជាតិចិនម្នាក់ស្រវឹងស្រាជោគជាំឡើងធ្លាក់ភ្នែកបើករថយន្តហុីយ៉ាន់ដាយ ស្តារុិចមួយគ្រឿងបោះពួយយ៉ាងលឿន ដូចហោះហើយរេចង្កូតទៅបុករបាំងថ្មពុះចែកទ្រូងផ្លូវវៀចអស់៤កង់ ។រីឯរថយន្កបង្កខ្ទេចផ្នែកខាងមុខទៅលេងរួច បន្ទាប់មកហៅបក្ខពួកមករំដោះខ្លួនត្រូវបានសមត្ថកិច្ចឃាត់ជាប់។
ហេតុការណ៍នេះកើតឡើងកាលពីវេលាម៉ោងជាង២រំលងអាធ្រាត្រ ឈានចូលថ្ងៃទី៥ ខែសីហា ឆ្នាំ២០១៩ ស្ថិតនៅតាមបណ្តោយមហាវិថីព្រះមុនីរង្ស ក្នុងសង្កាត់បឹងកែង​កង២ ខណ្ឌបឹងកេងកង រាជធានីភ្នំពេញ ។
ព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសជនជាតិចិនម្នាក់ទំនងស្រវឹងស្រាធ្លាក់ភ្នែក​ បើករថយន្តមួយគ្រឿងម៉ាកហុីយ៉ាន់ដាយ ស្តារិច ពណ៌ស ពាក់ស្លាកលេខភ្នំពេញ2AN-8832 ធ្វើដំណើរទិសជើងទៅត្បូង បោះពួយយ៉ាងលឿនដូចហោះ។លុះមកដល់ចំណុចកើតហេតុខាងលើបានរេចង្កូតមកខាង​ឆ្វេងដៃជ្រុលទៅបុករបាំងថ្ម ពុះចែកទ្រូងផ្លូវពេញទំហឹងបណ្តាលឲ្យវៀចអស់៤កង់ ចំណែករថយន្តបង្កខ្ទេចផ្នែកខាងមុខទៅលេងរួចបន្ទាប់មកជនជាតិចិនបើករថយន្តបង្កបាន​ខលហៅបក្ខពួកមកយកដើម្បីរំដោះខ្លួន តែត្រូវបានសមត្ថកិច្ខល្បាតឃើញធ្វើការឃាត់ខ្លួនយកមកសួនាំនៅប៉ុស្តិ៍នគរបានរដ្ឋបាល​បឹង​កែង​កង២ភ្លាមៗ។
ក្រោយកើតហេតុសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយក​រថ​យន្តបង្កទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញរងចាំដោះស្រាយគ្នាទៅតាមផ្លូវច្បាប់៕