ត្រឡប់មកវិញជាមួយនឹងមេដាយ៤៦គ្រឿង
ភ្នំពេញ៖ប្រតិភូកីឡានគរបាលជាតិកម្ពុជាចំនួន៩៦រូបដែលទៅចូលរួមប្រកួតកីឡានគរបាលពិភពលោកលើកទី១៨នៅទីក្រុងឆេងឌូប្រទេសចិន(The 18th Police and Fire Games 2019 Chengdu,China)បានវិលត្រឡប់មក វិញហើយដោយស្ពាយមេដាយចំនួន៤៦គ្រឿងមកជាមួយ ។
ក្នុងចំណោមមេដាយទាំ៤៦គ្រឿងនោះមានមេដាយមាសចំនួន១៨គ្រឿង មេដាយប្រាក់ចំនួន១៧គ្រឿង និងមេដាយសំរិទ្ធចំនួន១១គ្រឿង ។លោកឳត្តមសេនីយ៍ឯកជា ប៊ុនហេងដែលជាប្រធានអង្គភាពកីឡានគរបាលជាតិកម្ពុជាបានចាត់ទុកថានេះពិតជាមោទនភាពមួយ មិនត្រឹមតែនគរបាលជាតិកម្ពុជា ឬ ក្រសួងមហាផ្ទៃទេតែ វាជាមោទនភាពរបស់ប្រជាជនកម្ពុជាទាំងមូល ។
សូមបញ្ជាក់១៣ប្រភេទកីឡាដែលបញ្ជូនទៅចូលរួមប្រកួតនោះរកមេដាយទាំង១៣ប្រភេទដែលក្នុងនោះប្រភេទទូកនាគរកបានមេដាយមាស១ គ្រឿង ។ វាយកូនឃ្លីលើតុរកបានមេដាយសំរិទ្ធមួយគ្រឿង ហែលទឹករកបានមេដាយមាស១គ្រឿងប្រាក់២គ្រឿង និងសំរិទ្ធ២គ្រឿង ។
ប្រភេទចំបាប់កាច់ដៃរកបានមេដាយមាស១គ្រឿងប្រាក់២គ្រឿងនិងសំរិទ្ធ១គ្រឿង។ការាតេដូរកបានមេដាយមាស៧គ្រឿង និងមេដាយប្រាក់ចំនួន២គ្រឿង ។កីឡាយូដូរកបានមេដាយប្រាក់៣គ្រឿង និងសំរិទ្ធ ១
គ្រឿង ។ប្រភេទកីឡាជូជិតស៊ូរកបានមេដាយមាស១គ្រឿង និងសំរិទ្ធ១គ្រឿង ប្រភេទកីឡាវាយសីរកបានមេដាយប្រាក់១គ្រឿង ។
ប្រភេទកីឡាអត្តពលកម្មបានមេដាយមាស១គ្រឿង និងប្រាក់២គ្រឿង ។តេក្វាន់ដូរកបានមេដាយមាស៣គ្រឿង ប្រាក់១គ្រឿង និងសំរិទ្ធ២គ្រឿង ។ទ្រីយ៉ាត្លុងរកបានមេដាយប្រាក់១គ្រឿង ចំបាប់រកបានមេដាយមាស ២គ្រឿង ប្រាក់៣គ្រឿង និងសំរិទ្ធ២គ្រឿង និង ប្រភេទកីឡាបាល់ឩិបរកបានមេដាយសំរិទ្ធ១គ្រឿង ។
លោកផ្កាយ៣បញ្ជាក់ថានេះជាលើ់កដំបូងហើយដែល កីឡានគរបាលជាតិកម្ពុជាចេញទៅចូលរួមប្រកួតក្នុងព្រឹត្តិការណ៍ពិភពលោកបែបនេះ ហើយថែមទាំទទួលបានលទ្ធផលល្អទៀតផង ៕
