ប្រធានផ្សារបឹងកេងកងដឹកនាំ អាជីវករទូទាំផ្សាររៀបចំ ពិធីអាហារសាមគ្គី៖អបអរសាទរខួបអនុស្សាវរីយ៍លើក ទី ៤១ នៃថ្ងៃជ័យជំនះ ៧ មករា
ភ្នំពេញ៖ លោកឯក និមល ប្រធានគណៈកម្មការគ្រប់គ្រងផ្សារបឹងកេងកង ខណ្ឌបឹងកេងកងរាជធានីភ្នំពេញកាលពីរាត្រីថ្ងៃទី៧ ខែមករា ឆ្នាំ២០២០នេះបានរៀបចំពិធីអាហារសាមគ្គីជាមួយបងប្អូនអាជីវករផ្សារបឹងកេងកងនិងក្រុមការងារនៃគណបក្សប្រជាជនកម្ពុជាជាច្រើនរយនាក់នៅបរិវេណសាលាបឋមសិក្សាចៅពញាហុកប្រកបដោយបរិយាកាសសប្បាយរីករាយគឺដើម្បីចូលរួមអបអរសាទរនៃទិវាជ័យជម្នះ ៧មករាលើកទី៤១ ជាតិ និងប្រជាជនកម្ពុជាទាំងមូល បានរៀបចំប្រារព្ធទិវាជ័យជម្នះនៅទូទាំងប្រទេស និង មានមិទ្ទីងធំ មានមនុស្សរាប់ម៉ឺននាក់ ចូលរួមអបអរសាទរនៅមជ្ឈមណ្ឌលកោះពេជ្រ ដើម្បីរំលឹកពីការរស់ឡើងវិញនៃជាតិកម្ពុជា និងការរស់រានមានជីវិតរបស់ប្រជាជនកម្ពុជា។
លោកឯក និមល ប្រធានគណៈកម្មការគ្រប់គ្រងផ្សារបឹងកេងកងបានមានមតិលើកឡើងនាឱកាសពិធីពិសារអាហារសាមគ្គីជាមួយបងប្អូនអាជីវករជាច្រើនរយនាក់កាលពីរាត្រីយប់មិញនេះថាថ្ងៃទី៧ ខែ មករា ឆ្នាំ ២០២០នេះ គឺជាខួប ៤១ឆ្នាំដែលប្រទេសកម្ពុជាត្រូវបានសង្រ្គោះ ចេញផុតពីរបបកម្ពុជាប្រជាធិបតេយ្យ ឬហៅថារបបប្រល័យពូជសាសន៍ខ្មែរក្រហម ដឹកនាំដោយ ប៉ុល ពត ដែលបានប្រែក្លាយកម្ពុជាទៅជាវាលពិឃាតដ៏ខ្មៅងងឹត ដែលមានរយៈពេល ៣ឆ្នាំ ៨ខែ និង ២០ថ្ងៃ នោះ។
លោកប្រធានផ្សារបឹងកេងកងបានលើកឡើងទៀតថារបបព្រៃផ្សៃនេះ គឺបានធ្វើអោយជីវិតមនុស្សរាប់លាននាក់ ត្រូវបានបាត់បង់អាយុជីវិត ហើយប្រទេសជាតិវិនាសអន្តរាយយ៉ាងធ្ងន់ធ្ងរបំផុត។
លោកប្រធានផ្សារបឹងកេងកងបានលើកឡើងបន្តទៀតថាដោយកាលពី៤១ ឆ្នាំមុន ជាតិនិងប្រជាជនកម្ពុជាគ្រាន់តែជាមនុស្សនៅសល់តែដង្ហើមចង្រឹត រង់ចាំតែថ្ងៃស្លាប់មកដល់តែប៉ុណ្ណោះ។ ប៉ុន្តែ ៤១ឆ្នាំ ក្រោយពីបានរំដោះប្រទេសជាតិចេញផុតពីរបបឃោរឃៅព្រៃផ្សៃមួយនេះ កម្ពុជាបានប្រែក្លាយទៅជាប្រទេសមានមុខមាត់ថ្មី តាមរយៈការអភិវឌ្ឍន៍ រីកចម្រើន ស្ទើរគ្រប់វិស័យនិងបានសាងកិត្យានុភាពលើឆាកអន្តរជាតិសារជាថ្មីផងដែរ។
ក្នុងខួបអនុស្សាវរីយ៍លើកទី៤១ នៃថ្ងៃជ័យជម្នះ ៧ មករា សូមឱ្យស្មារតីថ្ងៃរំដោះនេះស្ថិតនៅក្នុងក្រអៅបេះដូងមនុស្សគ្រប់រូបៗ និងសូមស្មារតី ៧ មករា ជានិមិត្តរូបនៃសាមគ្គីជាតិ និង មហាគ្រួសារខ្មែរស្ថិតនៅជាអមតៈក្រោមម្លប់សុខសន្តិភាពជានិច្ចនិរន្តរ៍។ អរគុណសន្តិភាព។
លោកឯក និមល ប្រធានផ្សារបឹងកេងកងបានមានមតិលើកឡើងបន្តទៀតថាជានិច្ចកាលគណៈកម្មការគ្រប់គ្រងផ្សារបឹងកេងកងរួមជាមួយបងប្អូនអាជីវករព្រមទាំងក្រុមការងារនៃគណបក្សប្រជាជនកម្ពុជាថ្នាក់មូលដ្ឋានតែងតែប្រារព្ធពិធីអាហារសាមគ្គីនេះជារៀងរាល់ឆ្នាំដើម្បីអបអរសាទរទិវាជ័យជម្នះ៧មករាហើយបងប្អូនអាជីវករដែលបានចូលរួមពិសារអាហារសាមគ្គីគឺពួកគាត់បានសម្ដែងនូវទឹកចិត្តសប្បាយរីករាយដែលជាថ្ងៃកំណើតទី២របស់ពួកគាត់ហើយបើគ្មានថ្ងៃជ័យជម្នះ៧មករាទេនោះគឺគ្មានអ្វីៗដូចសព្វថ្ងៃនេះទេ.!ជយោស្មារតី៧មករាជាអមតៈ៕