បុរសម្នាក់ទើបចេញពីពន្ធនាគារ ត្រូវសមត្ថកិច្ចចាប់ខ្លួន ដោយសារលួចដុតផ្ទះគេឆេះខ្ទេច
ខេត្តកំពង់ចាម ៖ បុរសម្នាក់ទើប ដោះលែងចេញពីពន្ធនាគារ មកលួ ចដុតផ្ទះប្រជាពលរដ្ឋ ហើយពេលនេះកម្លាំងសមត្ថកិច្ចបានឃាត់ខ្លួនហើយ ។
ថ្ងៃទី១៤ ខែមករា ឆ្នាំ២០២០ វេលាម៉ោង ២០:៤០នាទី ដែលស្ថិតនៅ ភូមិ បឹងដែង ឃុំ ព្រែកកក់ ស្រុក ស្ទឹងត្រង់ ខេត្តកំពង់ចាម មានគ្រោះអគ្គីភ័យមួយកើតឡើងបណ្ដាលឲ្យឆេះផ្ទះចំនួន ៣ ខ្នង ៖
១- ផ្ទះឈ្មោះ ឡង់ ឌី ភេទ ប្រុស ធ្វើពីឈើប្រក់ស័ង្កសី ទំហំ៥ម៉ែត្រគុណនឹង៧ម៉ែត្រ ឆេះខូចខាតទាំងស្រុង ។
២- ផ្ទះឈ្មោះ សុខ ផៃ ភេទ ស្រី អាយុ ៦៦ ឆ្នាំធ្វើ ពីឈើប្រក់សង្ក័សីទំហំ៥ម៉ែត្រគុណនឹង៧ម៉ែត្រ ឆេះខូចខាតទាំងស្រុង សម្ភារៈខូចខាតទូរបេង ១ សម្លៀកបំពាក់ក្នុងទូរមួយចំនួន ។
៣- ផ្ទះឈ្មោះ លីម សុខលីន ភេទ ស្រី អាយុ ៥០ ឆ្នាំ ទំហំ៤ម៉ែត្រគុណនឹង៥ម៉ែត្រធ្វើពីឈើប្រក់ស័ង្កសីឆេះខូចខាតទាំងស្រុង ។
ករណីខាងលើពុំមានគ្រោះថ្នាក់រងរបួស ឬបាត់បងអាយុជីវិតមនុស្សទេ ។
ក្នុងករណីអគ្គិភយ័នេះ ប្រើប្រាស់រថយន្ដពន្លត់អគ្គីភ័យចំនួន ០៣ គ្រឿងអស់ទឹកចំនួន ៥ ឡាន គឺអធិការដ្ឋាននគរបាលស្រុកស្ទឹងត្រង់ចំនួន ៣ ឡាន ចំការលើ ១ ឡាន និងចំការកៅស៊ូបឹងកេត ១ ឡាន ។
មូលហេតុ: ឈ្មោះ ស៊ីន ដេត ភេទ ប្រុស អាយុ ៣១ ឆ្នាំ នៅភូមិ បឹងដែង ឃុំ ព្រែកកក់ ស្រុក ស្ទឹងត្រង់ ខេត្ត កំពង់ចាម ជាមុខសញ្ញាទើបដោះលែងចេញពីពន្ធនាគារជាអ្នកលួចដុត ហើយពេលនេះកម្លាំងសមត្ថកិច្ចបានឃាត់ខ្លួនហើយ ៕
