អាហារគ្រប់មុខនៅផ្សារបឹងកេងកង មានការពេញនិយមពិសារ ពីសំណាក់បងប្អូនប្រជាជនទូទៅ
ភ្នំពេញ៖លោកឯក និមល ប្រធានគណៈកម្មការគ្រប់គ្រងផ្សារបឹងកេងកង ខណ្ឌបឹងកេងកងរាជធានីភ្នំពេញបានប្រាប់អោយដឹងនៅព្រឹកថ្ងៃទី១៨ខែមករាឆ្នាំ២០២០នេះថាដោយឆ្លងតាមការពិនិត្យមើលជាក់ជារៀងរាល់ថ្ងៃនេះគឺកំណេីននៃការចូលហូបអាហារពេលព្រឹកនិងថ្ងៃត្រង់របស់បងប្អូនប្រជាជនទូទៅមកពីគ្រប់ទីកន្លែងនិងបងប្អូន ជាមន្ត្រីរាជការព្រមទាំងបុគ្គលិក ស្ថាប័នផ្សេងៗ នោះដោយពួកគាត់អញ្ជើញមកពិសសរអាហារនៅផ្សារបឹងកេងកងយ៉ាងច្រើនដោយជួនកាលពេលខ្លះរកកៅអីឬរកកន្លែងអង្គុយមិនចង់បានផងដោយមានការកេីនឡេីងជាប្រចាំគួរអោយកត់សម្គាល់។
ដូចនេះដេីម្បីរក្សាអោយបាននូវកេរ្តិ៏ឈ្មោះនិងកិត្តិយស ក៏ដូចជាអតិថិជនដែលនិយមនាំគ្នាមកពិសារអាហារនៅផ្សារបឹងកេងកងជាប្រចាំនោះក្នុងនាមគណៈកម្មការគ្រប់គ្រងផ្សារ បឹងកេងកងដោយសូមសំណូមពរដល់បងប្អូនអាជីវករ ទាំងអស់ពោលគឺមេត្តារៀបចំមុខម្ហូបចំណីអាហារគ្រប់មុខរបស់ខ្លួនដែលដាក់តាំងលក់អោយបានល្អសម្រាប់ភ្ញៀវគាត់មកពិសារហើយត្រូវរៀបចំ, តុ ,កៅអី ,អោយមានសណ្តាប់ធ្នាប់របៀបរៀបរយល្អ ។ហើយលើសពីនេះត្រូវរៀបចំទុកដាក់អោយមានអនាម័យស្អាតល្អជាប្រចាំរាល់ពេលម៉ោងលក់ដូរ ។លោកប្រធានផ្សារបន្តទៀតថាដើម្បីអោយទីផ្សារយើងកាន់ល្អប្រសើរមានផាសុខភាពនោះគឺទាមទារអោយបងប្អូនចូលរួមដោយទុកដាក់សំរាមឬកាកសំណល់អោយបានស្អាតល្អ ជាប្រចាំ។
ហើយបងប្អូនអាជីវករគ្រប់រូបដោយប្រេីប្រាស់នូវពាក្បសម្តីឬ អាក្បកិរិយា ទន់ភ្លន់ជាមួយអតិថិជនរបស់ខ្លួន អោយសមរម្យ ។
ហើយក្រោយលក់ដូររួចត្រូវសំអាតទីតាំងលក់ដូររបស់ខ្លួនអោយបានស្អាតជាប្រចាំផងដែរ។
លោកឯក និមល ប្រធានគណៈកម្មការគ្រប់គ្រងផ្សារបឹងកេងកង ខណ្ឌបឹងកេងកងបានអោយដឹងទៀតថាបានជាបងប្អូនប្រជាជនទូទៅនិងមន្រ្តីរាជនិងអតិថិជនគាត់មកពិសារអាហារជារៀងរាលថ្ងៃនៅផ្សារបឹងកេងកងនេះជាប្រចាំពិសេសនាថ្ងៃចុងសប្ដាហ៍ដោយមកយ៉ាងច្រើនក៏ដោយសារអាហារគ្រប់មុខនៅទីនេះមានរសជាតិឆ្ងាញ់ពិសារ តំលៃសមរម្យ ហើយរាល់មុខម្ហូបនៃចំណីអាហារនិមួយៗគឺមានអនាម័យល្អចឹងហើយបានជាមានការនិយមមកពិសារអាហារនៅផ្សារបឹងកេងកងយ៉ាងច្រើនរាល់ថ្ងៃដូចនេះ។
ជាមួយគ្នានេះដែរលោកប្រធានផ្សារបឹងកេងកងឯក និមល បានអោយដឹងទៀតថាខណៈពេលមានបងប្អូនគាត់មកកាន់ទីផ្សារបឹងកេងកងកាន់តែច្រើនពិសេសនៅថ្ងៃចុងសប្ដាហ៍គួបផ្សំជិតដល់ថ្ងៃបុណ្យចូលឆ្នាំចិនផងនោះគឺដើម្បីទិញទំនិញគ្រប់មុខនិងមកពិសារអាហារក្នុងនាមគណៈកម្មការផ្សារបឹងកេងកងដោយបង្កើនពង្រឹងលើការងាររក្សាការពារនូវសន្តិសុខ សុវត្ថិភាព សណ្ដាប់ធ្នាប់និងអនាម័យបរិស្ថានជាប្រចាំដើម្បីផ្ដល់ភាពកក់ក្ដៅដល់បងប្អូនអាជីវករនិងបងប្អូនអតិថិជន៕
