សត្វ ក្រសាធ្នង់ ជាសត្វខ្មាសអៀនច្រើន ហើយក៏ជាប្រភេទសត្វជិតផុតពូជ នៅកម្ពុជា
ភ្នំពេញ៖ អង្គការUSAID បានផ្សាយព័ត៌ មានមួយរបស់ខ្លួននិយាយអំពី សត្វក្រសា ធ្នង់វាជាបក្សីដែលមាន ភាពអៀនខ្មាសច្រើន ដោយមនុស្សមិនងាយនឹងបានឃើញសត្វនេះទេ ដោយវាចំណាយពេលតិចតួចនៅ ទីវាល ហើយក៏ជាបក្សីមួយប្រភេទដែល ត្រូវបានក្រុមអ្នកអភិរក្សថាជិតផុតពូជ ទៅហើយ។ នេះបើយោងតាមការផ្សាយរបស់អង្គការ USAID នៅថ្ងៃទី២១ ខែមករា ឆ្នាំ២០២០។
ក្រសាធ្នង់ វាជាបក្សីមួយប្រភេទដែលមាន ក្បាលខ្មៅ និងបន្តដោយកំប៉ោយវែង កវែងមានពណ៌ទឹកក្រូច និងមានឆ្នូតខ្មៅចាប់ពីគល់ចំពុះតាមបណ្ដោយករហូតដល់ទ្រូង។ ម្រាមជើងវែងៗរបស់វា អាចឱ្យវាដើរលើរុក្ខជាតិបណ្តែតទឹក ហើយពេលខ្លះវាដើរលើគុម្ពោតព្រៃ ដោយពុំចាំបាច់ក្តាប់មែកឈើ។ បក្សីប្រភេទនេះ ចូលចិត្តរស់នៅកន្លែងដាំដំណាំក្រាស់ៗ ក្បែរទឹក ហើយកម្រទុំនៅ លើដើមឈើណាស់ដោយវាចូលចិត្តកន្លែង នៅលើដីដើម្បីសម្រាក។
សូមបញ្ជាក់ថា គម្រោងUSAID ព្រៃឡង់បៃតង កំពុងធ្វើការជាមួយប្រជាសហគមន៍ និងភាគីពាក់ព័ន្ធទាំងអស់ ដើម្បីការពារសត្វនេះក៏ដូចជាសត្វ ដែលរងគ្រោះជិតផុតពូជទាំងអស់ដែលស្ថិតនៅក្នុងតំបន់ទេសភាពព្រៃឡង់និងតំបន់ជុំវិញ៕
ដោយ៖ សំរិត