ឃីម បូរ៉ាបង្ហាញ មុខជាថ្មីនៅអាស៊ីអាគ្នេយ៍
ភ្នំពេញ៖អ្នកប្រដាល់ឃីម បូរ៉ាក្លិបរស្មីភូមិគាបខេត្តបន្ទាយមានជ័យបានបង្ហាញមុខជាថ្មីលើសង្វៀនBoostrong Fighter
on Fire ជាមួយអ្នកប្រដាល់ជើងខ្លាំងថៃផេត ណារ៉ុង(Phat Narong)នាព្រឹកថ្ងៃទី២កុម្ភៈ ។
អ្នកប្រដាល់ទាំង២រូបនេះប្រកួតគ្នាក្នុងប្រភេទទម្ងន់៦០គីឡូក្រាម ។បូរ៉ាបាត់មុខយូរគ្រាន់បើពីសង្វៀនអាស៊ីអាគ្នេយ៍
តែគេមានការប្រកួតច្រើននៅសង្វៀនផ្សេង ។បូរ៉ាជាអ្នកប្រដាល់ជាយដែនជើងខ្លាំងមួយរូបដែលឩស្សាហ៍ចេញ ចូលទៅប្រ
កួតនៅប្រទេសថៃណាស់ ។
ជាអ្នកប្រដាល់ដែលមានកណ្ដាប់ដៃវ៉ៃឆក់ល្អ ធ្ងន់ ព្រមទាំងប្រើជង្គង់ និងកែងបានលឿន ។អ្នកប្រដាល់រូបនេះមាន
ចិត្តហ៊ានគ្រាន់បើតែភាពអំណត់របស់គេមិនសូវខ្លាំងនោះទេ ។បើគូប្រកួតជ្រុលវាយបន្ថែមគេច្រើនតែដេកតែម្ដង ។ចំពោះ
អ្នកប្រដាល់ថៃផេត ណារ៉ុងវិញលោកថៃ អ៊ូដែលជាអ្នកដឹកនាំអ្នកប្រដាល់ថៃមកប្រកួតនៅសង្វៀនអាស៊ីអាគ្នេយ៍អះអាងថា
គេមានឈ្មោះបោះសម្លេងគ្រាន់បើដែរនៅឯប្រទេសថៃ ។
អ្នកប្រដាល់ថៃរូបនេះមានប្រវត្តិប្រកួតចំនួន៧១ដង ឈ្នះ៦១ដង ចាញ់១០ដង និងស្មើពិន្ទុ១ ដង ។ ចំពោះអ្នកប្រ
ដាល់កម្ពុជាឃីម បូរ៉ាវិញគេមានប្រវត្តិប្រកួតចំនួន១០៥ដង ឈ្នះ៧៩ដង ចាញ់២៥ដង និងស្មើពិន្ទុ ២ដង ។បន្ទាប់ពីបាត់មុខ
មួយរយៈឃីម បូរ៉ាអាចបង្ក់តជ័យជំនះបានទៀតឬទេ ?
ចំពោះការប្រកួតរវាងអ្នកប្រដាល់រួមជាតិវិញនោះឡុង ហាក់សមាគមប្រដាល់ក្រសួងការពារជាតិចួបជាមួយអ្នកប្រ
ដាល់ខាំ កូនខ្លាក្លិបរ៉ាហាប់ស្វាយប៉ាកដោយប្រកួតគ្នាក្នុងប្រភេទទម្ងន់៤៨គីឡូក្រាម ។
អ្នកប្រដាល់ទាំង២រូបនេះជាអ្នកប្រដាល់ជើងថ្មីទេ ។លោកធន សុភាដែលជាគ្រូរបស់ឡុង ហាក់និយាយថាសិស្ស
របស់លោកនៅខ្ចីបន្តិចមែនហើយ ។ចំពោះលោកបឺត សំខាន់ដែលជាសិស្សរបស់កីឡាករខាំ កូនខ្លានិយាយថាសិស្សរបស់
លោកខ្ចីដែរលោកជឿថាពួកគេនឹងវ៉ៃគ្នាបានល្អមើល ។
នឹម ននក្លិបទ័ពឆ័ត្រយោង៩១១ត្រូវបានដាក់ឲ្យប្រកួតជាមួយអ្នកប្រដាល់ភួង ពិសិដ្ឋក្លិបខេត្តរតនគីរីដោយប្រកួតគ្នា
ក្នុងប្រភេទទម្ងន់៦០គីឡូក្រាម ។
នឹម ននជាអ្នកប្រដាល់ដែលប្រើជើងទាត់បានល្អចំពោះភួង ពិសិដ្ឋជាអ្នកប្រដាល់ដែលមានកណ្ដាប់ដៃរហ័ស និង
ធ្ងន់ ។អ្នកពូកែជើង និង អ្នកពូកែដៃជួបគ្នាមិនដឹងថារញ្ជួយសង្វៀនកម្រិតណានោះទេ ។
ឡុង រ៉ាមីក្លិបខ្លារខិនមានរិទ្ធត្រូវបានផ្គូរផ្គងឲ្យប្រកួតជាមួយអ្នកប្រដាល់ពុទ្ធ ម៉ាណូយរបស់្កលិបពុទ្ធ សេរីវង្សដោយ
ប្រកួតគ្នាក្នុងប្រភេទទម្ងន់៥៧គីឡូក្រាម ។
ពួកគេជាអ្នកប្រដាល់ជើងខ្លាំងដែលចូលចិត្តវ៉ៃប្ដូរហើយនៅលើសង្វៀនគេតែងតែបើកប្រតិបត្តិការភ្លាមៗតាំងពីទឹក
ទី១ទៅដោយគ្មានសំចៃកម្លាំងឡើយ ។ជំនួបរវាងអ្នកប្រដាល់ទាំង២រូបនេះទាំងអ្នកឈ្នះទាំងអ្នកចាញ់ប្រាកដជាទ្រមខ្លួនដូច
គ្នាជាមិនខានឡើយ ។
សេក វិសាលក្លិបអង្គរមានជ័យខេត្តសៀមរាបប្រកួតជាមួយអ្នកប្រដាល់ឡុង សុភ័ស្សក្លិបសាលវ័ន្ដកីឡាដោយប្រ
កួតគ្នាក្នុងប្រភេទទម្ងន់៥៤គីឡូក្រាម ។