អុចធូបមូសនៅលើពូក រាលដាលឆេះផ្ទះអស់១ខ្នង
ភ្នំពេញៈផ្ទះធ្វើអំពីឈើលេីថ្មក្រោម មួយខ្នងត្រូវបាន អគ្គិភ័យឆាបឆេះទាំងស្រុង ខណៈតែម្ចាស់ផ្ទះ ធ្វើប្រហេស ដុតធូបលេីពូក ទេីបបណ្ដាលឲ្យមានការឆាបឆេះ ផ្អើលរថយន្ដពន្លត់អគ្គីភ័យចេញអន្តរាគមន៍ អន្តរាគមន៍ជាច្រើនគ្រឿង ។
ហេតុការណ៍នេះដែរបានបង្ករអោយមានការភ្ញាក់ផ្អើលកាលពីវេលា ៤និង២០នាទី ទាបភ្លឺ ឈានចូលថ្ងៃទី ២៥ ខែកុម្ភៈ ឆ្នាំ២០២០ នៅចំនុចផ្ទះអត់លេខ ស្ថិតនៅភូមិឬស្សី ក្រុមទី១១ សង្កាត់ស្ទឹងមានជ័យ២ខណ្ឌមានជ័យ រាជធានីភ្នំពេញ
ម្ចាស់ផ្ទះមានឈ្មោះ គង់ សុខលិន ភេទប្រុស អាយុ៥៤ឆ្នាំ មុខរបរ កម្មករ ឡធ្យូង ស្នាក់នៅផ្ទះកេីតហេតុខាងលើ
ផ្ទះដែលឆេះ មានទំហំ ៥ម៉ែត្រ គុណនឹង៨ម៉ែត្រ ធ្វើអំពីឈើលេីថ្មក្រោម ដំបូលប្រក់ស័ង្កសី ។
ប្រេីប្រាស់រថយន្តពន្លត់អគ្គីភ័យចំនួន៩គ្រឿង ក្នុងនោះមាន រថយន្តរបស់ការិយាល័យបង្ការពន្លត់អគ្គិភ័យស្នងការរាជធានីភ្នំពេញ ចំនួន៤គ្រឿង
រថយន្តរបស់ កងរាជអាវុធហត្ថរាជធានីភ្នំពេញ ចំនួន៤គ្រឿង
រថយន្ត របស់ស្រាបៀរកម្ពុជាចំនួន១
តាមប្រភព ព័ត៌មានពីម្ចាស់ផ្ទះ បានអោយដឹងថា មុនពេលកេីតហេតុ គឺពួកគាត់រួមទាំងក្រុមគ្រួសារ បាននាំគ្នា សំរាន ដោយលង់លក់ ដោយបានដុតធូបមូស ហេីយដាក់នៅលើពូក លុះមកដល់ពេលត្រូវខ្យល់ បណ្ដាលកំទិចធូបមូស ធ្លាក់នៅលើពូក ទេីបបណ្ដាលឲ្យមាន រាលដាលចេញជា ភ្លើងឆេះយ៉ាងសន្ធោសន្ធៅតែម្តងទៅ ។
ប្រភពដដែលបានអោយដឹងទៀតថា នៅពេលដែល ឃើញភ្លើងឆេះហើយ ពួកគាត់ បាននាំគ្នា រត់ចេញមកក្រៅផ្ទះ យករួចខ្លួន ហេីយក៍បានស្រែកអោយអ្នកជិតខាងជួយ ព្រមទាំងសុំអន្តរាគមន៍ ពីរថយន្តពន្លត់អគ្គីភ័យ ចេញមក អន្តរាគមន៍បាញ់ពន្លត់ អស់ទឹកចំនួន៩គ្រឿង ហើយធ្វើការបាញ់ពន្លត់អស់ទឹកចំនួន៦គ្រឿង ទេីបភ្លើងរលត់ទៅវិញ នៅវេលាម៉ោង៥និង៣០នាទី ថ្ងៃដដែល ។
ក្នុងករណីនេះដែរ សមត្ថកិច្ចបានអោយដឹងថា មិនបង្កឲ្យមានគ្រោះថ្នាក់ដល់មនុស្ស និងរាល់ដាលដល់ផ្ទះអ្នកជិតខាងនោះទេ គឺគ្រាន់តែឆេះផ្ទះរបស់ ជនរងគ្រោះ អស់ទាំងស្រុង ដោយសារតែ ផ្លូវចង្អៀតពិបាកនិងរថយន្ត ចូលពន្លត់ ។
ហើយចំពោះករណី ធ្វើអោយឆាបឆេះវិញ គឺបណ្ដាលមកពី ម្ចាស់ផ្ទះ អុចធូបមូស ចោលលេីពូក ទេីបបណ្ដាលឲ្យ ឆេះរាល់ដាលបែបនេះ ។
