វេជ្ជបណ្ឌិត លី សូវ៉ាន់ ៖ ពុំទាន់រកឃើញករណីជំងឺកូរ៉ូណាវីរុសប្រភេទថ្មីបន្ថែមទៀតទេ
ភ្នំពេញ៖ នាយកដ្ឋានប្រយុទ្ធនឹងជំងឺឆ្លង CDC បានប្រកាសថា រហូតដល់យប់ ថ្ងៃទី ១ មីនា ២០២០ ពុំទាន់រកឃើញ
ករណីជំងឺកូរ៉ូណាវីរុសប្រភេទថ្មីបន្ថែមទៀតទេ យើងបានធ្វើតេស្តសរុបកើនដល់៩២នាក់ នៅវិទ្យាស្ថានប៉ាស្ទ័រ
តែមិនមានរកឃើញមេរោគCOVID-19 ទេ ។
អ្នកទេសចរណ៍ ៤១ ជាតិសាសន៍ លើនាវាយក្យ Westerdam ជាង២០០០នាក់ ដែលត្រឡប់ទៅមាតុប្រទេសរៀងៗវិញ
មិនបានរកឃើញផ្ទុកមេរោគកូរ៉ូណាវីរុសប្រភេទថ្មីទេពីប្រទេសទាំងនោះ ។
លោកវេជ្ជបណ្ឌិត លី សូវ៉ាន់ ប្រធាននាយកដ្ឋានប្រយុទ្ធនឹងជំងឺឆ្លង នៃក្រសួងសុខាភិបាល បានថ្លែងថា ក្រុមឆ្លើយតបបន្ទាន់
និងក្រុមគ្រូពេទ្យដែលបានបណ្តុះបណ្តាលអំពីឆ្លើយតបទៅនឹងជំងឺរាត្បាត ជាង២០០០នាក់កំពុងបន្តតាមដាន
រុករកករណីសង្ស័យនៅទូទាំងប្រទេស ។ ក្រុមគ្រូពេទ្យតាមព្រំដែន (មន្រ្តីចត្តាឡីស័ក)
បានកំពុងឃ្លាំមើលអ្នកដំណើរចេញចូលគ្រប់ច្រកតាមព្រំដែនគោគ ថៃ ឡាវ វៀតណាម ផ្លូវសមុទ្រ និងអាកាសយាន្តដ្ឋានអន្តរជាតិទាំង៣
ភ្នំពេញ សៀមរាប ក្រុងព្រះសីហនុ តាមរយៈម៉ាស៊ីនស្ទង់កំដៅនិងពិនិត្យសុខភាព ។ យើងមានមន្ទីរពិសោធន៍វិទ្យាស្ថានប៉ាស្ទ័រកម្ពុជា
ដំណើរការទាំងថ្ងៃទាំងយប់ធ្វើតេស្តវត្ថុវិភាគដែលបានផ្ញើវត្ថុវិភាគមកពីទូទាំងប្រទេស
និងយើងត្រៀមមន្ទីរពិសោធន៍ពីរទៀតក្នុងក្រសួងសុខាភិបាលដើម្បីជំនួយកក្នុងការធ្វើតេស្តបន្ថែមទៀត ។
យើងមានមន្រ្តីជំនាញ ១០រូប កាន់ទូរស័ព្ទដៃដើម្បីទទួលទូរស័ព្ទបាញ់ពីលេខ ១១៥
ដើម្បីទទួលរាយការណ៍ករណីសង្ស័យពីប្រជាពលរដ្ឋពីទូទាំងប្រទេស ។
ព័ត៌មានបន្ថែមសូមទាក់ទងលេខ ១១៥
ទូរស័ព្ទទាន់ហេតុការណ៍ ១១៥ ជាប្រព័ន្ទទូរស័ព្ទបានអភិវឌ្ឍន៍ទៅជាបច្ចេកវិទ្យាទំនើប
និងសម្រាប់ផ្តល់សេវាជូនប្រជាពលរដ្ឋទូទាំងប្រទេសនូវ : ១. ចំណេះដឹងទាក់ទងនឹងជំងឺកូរ៉ូណាវីរុសប្រភេទថ្មី និងជំងឺឆ្លងផ្សេងៗទៀត
២. អាចរាយការណ៍ករណីជំងឺសង្ស័យ និងកើតឡើងច្រើនខុសធម្មតាក្នុងទីតាំងណាមួយ ៣.
អាចសួរព័ត៌មានឬចំណេះដឹងបន្ថែមទាក់ទងនឹងជំងឺកូរ៉ូណាវីរុសប្រភេទថ្មី និងជំងឺឆ្លងផ្សេងៗទៀត ៤.
យើងមានសហការីជំនាញសុខាភិបាល ១០រូបចាំទទួលទូរស័ព្ទ ដោយប្រើបច្ចេកវិទ្យា ប្រព័ន្ទបញ្ជូនទៅទូរស័ព្ទដៃទៅគ្រូពេទ្យទាំង១០នាក់
(Calling Forward System)៕ដោយ៖កូឡាប