ប៉ុស្តិ៍នគរបាលរដ្ឋបាលភ្នំពេញថ្មី ឃាត់ខ្លួនជនសង្ស័យជនជាតិវៀតណាម២នាក់ ករណីប៉ុនប៉ងលួច និងកាន់កាប់អាវុធគ្មានច្បាប់អនុញ្ញាត
ភ្នំពេញ៖ ប៉ុស្តិ៍នគរបាលរដ្ឋបាលភ្នំពេញថ្មី ឃាត់ខ្លួនជនសង្ស័យ២នាក់ ករណីលួចម៉ូតូ និងកាន់កាប់អាវុធគ្មានច្បាប់អនុញ្ញាត នៅចំណុចតាមផ្លូវបេតុងកែងផ្លូវ៥៩៨ ភូមិទំនប់ សង្កាត់ភ្នំពេញថ្មី ខណ្ឌសែនសុខនៅថ្ងៃទី៨ មីនា ២០២០ វេលាម៉ោ៣ និង៣០នាទី ។
ជនសង្ស័យ២នាក់រួមមាន ៖ ១-ឈ្មោះ ជិន ថាន់ទង់ ភេទប្រុស អាយុ៣០ឆ្នាំ ជនជាតិវៀតណាម មុខរបរគ្មាន ស្នាក់នៅ ចល័តក្នុងរាជធានីភ្នំពេញ(គ្មានសារធាតុញៀន) , ២-ឈ្មោះ ចាំង ថាន់ឡេ ភេទប្រុស អាយុ៣០ឆ្នាំ ជនជាតិវៀតណាម មុខរបរគ្មាន ស្នាក់នៅ ចល័តក្នុងរាជធានីភ្នំពេញ(គ្មានសារធាតុញៀន) ។
ប៉ុស្តិ៍នគរបាលរដ្ឋបាលភ្នំពេញថ្មី បានដកហូត អាវុធខ្លី១ដើម ម៉ាករ៉ូឡូ ពណ៌ស លេខ19TH0852 , គ្រាប់៣គ្រាប់ ម៉ូតូ១គ្រឿង ម៉ាកសេ១២៥ ពណ៌ខ្មៅ ពាក់ផ្លាកលេខភ្នំពេញ1C-2532 ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី ៕
