អ្នកលក់ម៉ាស់ចាប់ផ្តើមដំឡើងថ្លៃកប់ពពក សរសេរច្បាស់ៗ ម៉ាស់មួយតម្លៃ ៤០០០រៀល
ភ្នំំពេញ៖ ផ្អើលពេលបណ្តាញសង្គមហ្វេសប៊ុក ដោយសារអ្នកលក់ម៉ាស់ចាប់ផ្តើមដំឡើងថ្លៃកប់ពពក នេះបើយោងតាមគណនីហ្វេសប៊ុកឈ្មោះ ម៉េងហេង សេម បានបង្ហោះរូបមួយសន្លឹក ដែលអ្នកលក់បានសរសេរច្បាស់ៗ ម៉ាស់មួយតម្លៃ ៤០០០រៀល ។ ម្ចាស់គណនីហ្វេសប៊ុកខាងលើនេះ បានបញ្ជាក់ថា ទីតាំងលក់ម៉ាស់នោះនៅតំបន់ចោមចៅ ។
កាលពីប្រហែលជា៣ខែមុន ម៉ាស់មួយ៣០០រៀល ឬពីរ ៥០០រៀលប៉ុណ្ណោះ ប៉ុន្តែឥឡូវនេះតម្លៃឡើងដល់មួយ ៤០០០រៀល។ នេះជាសញ្ញាល្អសម្រាប់វិនិយោគ ដែលអាចរកប្រាក់ពាន់លានរៀលបាន…បើតម្រូវការម៉ាស់កើនឡើង នោះតម្លៃក៏បន្តកើនឡើងដូចគ្នា។
គណបក្សប្រជាជនកម្ពុជារាជធានីភ្នំពេញភ.ព៧ CPP-PhnomPenh នៅថ្ងៃទី៩ខែមីនាឆ្នាំ២០២០នេះ បានផ្សាយព័ត៌មានលើផេកហ្វេសប៊ុកផ្លូវការថា” យើងខ្ញុំសូមស្នើឲ្យអាជ្ញាធរមានសមត្ថកិច្ច មន្ដ្រីជំនាញពាក់ព័ន្ធ មេត្តាចុះត្រួតពិនិត្យ លើករណីខាងលើនេះផងនេះ បើយោងតាមគណនីហ្វេសប៊ុកឈ្មោះ ម៉េងហេង សេម បានបង្ហោះរូបមួយសន្លឹក ដែលអ្នកលក់បានសរសេរច្បាស់ៗ ម៉ាស់មួយតម្លៃ ៤០០០រៀល ។ ម្ចាស់គណនីហ្វេសប៊ុកខាងលើនេះ បានបញ្ជាក់ថា ទីតាំងលក់ម៉ាស់ខាងលើនោះគឺស្ថិតនៅតំបន់ចោមចៅ”។
អ្នកប្រើបណ្ដាញសង្គមហ្វេសប៊ុក ចែករំលែកព្រោងព្រាត និងស្នើសុំឱ្យសមត្ថកិច្ចសេដ្ឋកិច្ចចុះអន្តរាគន៍ផង ។
សូមបញ្ជាក់ថា ថ្លែងនៅក្នុងសន្និសីទសារព័ត៌មាន របស់ក្រសួងសុខាភិបាល នៅថ្ងៃទី៧ ខែមីនា ឆ្នាំ២០២០ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល បញ្ជាក់ថា ក្នុងករណីអ្នកលក់ម៉ាស់ លក់ថ្លៃហួសហេតុ ក្រសួងនឹងសហការ ជាមួយសមត្ថកិច្ចសេដ្ឋកិច្ច ដើម្បីចុះអន្តរាគមន៍៕