រកឃើញអ្នកឆ្លងជំងឺកូវីដ១៩ ចំនួន១២នាក់ថ្មីទៀត
ភ្នំពេញ៖ ក្រសួងសុខាភិបាលនៃព្រះរាជាណាចក្រកម្ពុជា បានចេញសេចក្តីជូនព័ត៌មាន ករណីជនជាតិខ្មែរឥស្លាម ១១ នាក់ ដែលមកពីពិធីសាសនានៅប្រទេសម៉ាឡេស៊ី និងជនជាតិខ្មែរ ១ នាក់ សរុប ១២ នាក់ ជាករណីថ្មី វិជ្ជមានវីរុសកូវីដ១៩។
ក្រសួងសុខាភិបាលរកឃើញអ្នកឆ្លងជំងឺកូវីដ១៩ (COVID-19) ចំនួន១២នាក់ថ្មីទៀត ដែលអ្នកឆ្លងជំងឺថ្មីទាំង១២នាក់ មាននៅខេត្តបន្ទាយមានជ័យ រាជធានីភ្នំពេញ កំពង់ឆ្នាំង បាត់ដំបង កំពត និងត្បូងឃ្មុំ ។ ក្រសួង បានបញ្ជាក់ថា បុរសជនជាតិឥស្លាមទាំង១១នាក់ខាងលើនេះ ជាអ្នកក្នុងចំណោមអ្នកដែលបានវិលត្រឡប់ មកពីការចូលរួមពិធីសាសនានៅប្រទេសម៉ាឡេស៊ីសរុបចំនួន៧៩នាក់៕
