ទីក្រុងញូវយ៉កត្រៀមរថយន្តក្លាស្សេសពរាប់សិបគ្រឿងដើម្បីរក្សាសាកសពអ្នកជម្ងឺ covid-19
អាមេរិក៖ សញ្ញាអាក្រក់នៅអាមេរិក ពាក់ព័ន្ធនិងកូវីដ-១៩ បានចេញជារូបរាងហើយ ដោយរថយន្តក្លាស្សេធុនធំ រាប់សិបគ្រឿង ដែលអាចរក្សាសាកសពបានរាប់ពាន់សព បានចតនៅខាងក្រៅមន្ទីរពេទ្យបេឡាវូ (Bellevue ) ទីក្រុងញូវយ៉ករងចាំដាក់ សាកសពអ្នកជំងឺ កូវីដ-១៩ ក្នុងករណីកន្លែងដាក់សពពេញណែន។
សារព័ត៌មាន ញូវយ៉កដេលី ញ៉ូវ បានផ្សាយថា៖ សកម្មភាពខាងលើ ជាសញ្ញាអាក្រក់បំផុតដល់ទីក្រុងនេះដោយអាចមានអ្នកស្លាប់ច្រើននាពេលខាងមុខ ។ នៅពេលនេះមានអ្នកជំងឺធ្ងន់ មានច្រើនគ្មានសង្ឃឹមជួយសង្គ្រោះបានឡើយ ខណៈអ្នកឆ្លងថ្មី កើនឡើងកាន់តែច្រើន។
ចំណែកកន្លែងរក្សាសាកសពនៅទីក្រុង នេះ អាចរក្សាបានប្រមាណ៩០០នាក់។
មន្ត្រីក្នុងតំបន់បានលើកឡើងនៅថ្ងៃទី២៧មីនានេះ ថា៖ កន្លែងរក្សាសាកសពនៅទំនេរច្រើន ប៉ុន្តែយើងបង្ការ ជាមុនខ្លាច មានរឿងអាក្រក់កើតឡើង។ រថយន្តក្លាស្សេ និមួយៗអាចរក្សាបានសាកសព៤៥នាក់ ហើយរថយន្តក្លាស្សេនោះ អាចរក្សាសព បានរហូតដល់ទៅ៣៥០០សព។ នៅរដ្ឋញូវយ៉ក និងទីក្រុងញូវយ៉ក ជាកន្លែងផ្ទុះកូវីដ-១៩ខ្លាំងជាងគេបំផុតប្រៀបដូចជាទីក្រុងវូហាន ខេត្តហូប៉ី ប្រទេសចិនអីចឹងដែរ។ បច្ចុប្បន្នអាមេរិកមានអ្នកឆ្លងជិត៧ មុឺននាក់ហើយនិងមានអ្នកស្លាប់ជាង១ពាន់នាក់។
ចំនួនអ្នកឆ្លងវីរុសកូរ៉ូណា នៅអាមេរិចបានហក់ឡើងដល់៨២.៤០៤នាក់ បណ្តាលឲ្យប្រទេសមហាអំណាចនេះ វ៉ាដាច់ចិន និងអ៊ីតាលីក្លាយជាប្រទេសដែលមានអ្នកឆ្លងវីរុសនេះ ច្រើនបំផុតក្នុងលោក។ ក្រៅពីអ្នកឆ្លងដ៏ច្រើនបំផុត អាមេរិចក៏មានអ្នកស្លាប់ច្រើនជាង ១.០០០នាក់ផងដែរ ពីវីរុសមរណៈនេះ។ ចិនមានចំនួនអ្នកឆ្លងសរុប ៨១.៧៨២នាក់ និងអ៊ីតាលី ៨០.៥៨៩នាក់។ នេះបើតាមទិន្នន័យរបស់ មជ្ឈមណ្ឌលប្រព័ន្ធវិទ្យាសាស្ត្រ និងវិស្វកម្ម (CSSE)។ សូមបញ្ជាក់ថា រហូតមកដល់ពេលនេះ វីរុសកូរ៉ូណា ឬ COVID-19 បានផ្តាច់ជីវិតមនុស្សជាង ២៤.០០០នាក់ និងឆ្លងទៅកាន់មនុស្សច្រើនជាង ៥៣០.០០០នាកទូទាំងពិភពលោក។ នៅពេលជាមួយគ្នានេះដែរ មនុស្សចំនួន ១២២.២០៣នាក់ បានជាសះស្បើយ៕