ចាប់ខ្លួនស្ត្រី២នាក់ លួច កាបូបប្រាក់ ពេលម្ចាស់ទុកលើគ្រែ
ភ្នំពេញ៖ ចាប់ខ្លួនស្ត្រី២នាក់ ជាក់ស្តែងករណីលួច ( កាបូបប្រាក់ចំនួន៣០ម៉ឺនរៀល ) នៅថ្ងៃទី៣១ ខែមីនា ឆ្នាំ២០២០ វេលាម៉ោង២០នៅចំណុចផ្សារស៊ាំហាន់ ផ្លូវបេតុង ក្រុម ៤ ភូមិបាក់ទូក សង្កាត់ទួលសង្កែ១ ខណ្ឋឬស្សីកែវ ។
ជនសង្ស័យឈោះ្ម កាំ យ៉ាង ភេទស្រី អាយុ ២៦ឆ្នាំ មានទីលំនៅផ្ទះជួល ភូមិច្រាំងបាក់ សង្កាត់ ច្បារអំពៅ ខណ្ឌច្បារអំពៅ(គ្មានសារធាតុញៀន)
និងជនសង្ស័យឈ្មោះសឿន ធារ៉ា ភេទស្រី អាយុ ១០ ឆ្នាំ មានទីលំនៅ ភូមិច្រាំងបាក់ សង្កាត់ ច្បារអំពៅ ខណ្ឌ ច្បារអំពៅ (គ្មានសារធាតុញៀន បញ្ជូនទៅមន្ទីរសង្គមកិច្ច)។
ជនរងគ្រោះឈ្មោះ លី សុវណ្ណ ភេទ ប្រុស អាយុ ៤២ឆ្នាំ មានទីលំនៅ ភូមិស្វាយចេកថ្មី សង្កាត់គោករការ ខណ្ឌ ព្រែកព្នៅ រាជធានីភ្នំពេញ ។ សម្ភារដកហូតមានលុយរៀលចំនួន៣០ម៉ឺន បានប្រគល់ជូនជនរងគ្រោះវិញ។
ដំណើររឿងហេតុ នៅថ្ងៃខែឆ្នាំខាងលើ ជនរងគ្រោះកំពុងតែរវល់លក់ខោអាវ និងរៀបចំអីវ៉ាន់ ដើម្បីប្រញ៉ាប់ទៅផ្ទះបានទុកកាបូបប្រាក់ នៅលើគ្រែ ស្រាប់តែមានជនសង្ស័យ២នាក់ ភេទស្រីបានធ្វើសកម្មភាពលួចកាបូបប្រាក់ តែម្ចាស់គេឃើញទាន់ បានចាប់បានទាំង២នាក់ រួមទាំងវត្ថតាងក៏ផ្អើលឆោរឡោ កម្លាំងល្បាតខណ្ឌ និងនគរបាលប៉ុស្តិ៍ជួយធើ្វអន្តរាគមន៍ឃាត់ជនសង្ស័យ មកកាន់ប៉ុស្តិ៍នគរបាលទួលសងែ្ក២ដើម្បីសាកសួរ ។
ចំពោះមុខកម្លាំងប៉ុស្តិ៍ និងកម្លាំងជំនាញអធិការដ្ឋានកំពុងស្រាវជ្រាវ រកបក្ខពួកនិងកសាងសំណុំរឿង៕
