ខណ្ឌចំការមន និងខណ្ឌបឹងកេងកង ចុះធ្វើអនាម័យបាញ់ទឹកលាងសម្អាតផ្លូវទាំងយប់ទាំងថ្ងៃ
ភ្នំពេញ៖ដោយពិនិត្យឃើញជារៀងរាល់ថ្ងៃនេះពីបញ្ហាធុលីដីហ៊ុយដែលធ្វើអោយប៉ះពាល់ផ្នែកបរស្ថាន និង សុខភាពប្រជាជនដែលរស់នៅអមសងខាងផ្លូវនិងអ្នកំណើរតាមមធ្យោបាយនានាចេញចូលមករាជធានីភ្នំពេញដោយឆ្លងកាត់មូលដ្ឋានខណ្ឌចំការមន និង ខណ្ឌបឹងកេងកងដោយក្នុងរយៈពេលប៉ុន្មានថ្ងៃនេះពោលគឺនៅថ្ងៃទី៣១ខែមិនានិងនៅថ្ងៃទី០១ខែមេសាឆ្នាំ២០២០នេះកម្លាំងសមត្ថកិច្ចអាជ្ញាធរ២ខណ្ឌគឺខណ្ឌចំការមននិងខណ្ឌបឹងកេងកងដែលមានព្រុំប្រទល់ខណ្ឌនៅជាប់គ្នានោះដោយបានចុះធ្វើអនាម័យ បរិស្ថាន ដោយបាញ់ទឹកលាងសម្អាតផ្លូវដោយធ្វើឡើងទាំងយប់ទាំងថ្ងៃដោយមិនគិតពីការនឿយហត់អ្វីឡើយដើម្បីបម្រើបងប្អូនប្រជាជននៅក្នុងមូលដ្ឋានដែលខ្លួនគ្រប់គ្រង។
តួរយ៉ាងកាលពីរសៀលថ្ងៃទី៣១ខែមិនាកម្លាំងប្រជាការពារខណ្ឌចំការមនបានចុះទៅបាញ់ទឹកលាងសម្អាតមហាវិថីព្រះមុនីវង្សនៅក្នុងមូលដ្ឋានខណ្ឌចំការមននិងមហាវិថីព្រះនរោត្ដមក្នុងមូលដ្ឋានខណ្ឌចំការមនដោយពិនិត្យឃើញជាក់ស្ដែងពីបញ្ហាធុលីដីហ៊ុយធ្វើអោយប៉ះពាល់បរិស្ថាន និងសុខភាពប្រជាជនរស់នៅអមសងខាងមហាវិថីទាំង២ខ្សែខាងលើនេះនិងអ្នកដំណើរតាមដងផ្លូវទើបលោកថេង សុថុល អភិបាលខណ្ឌចំការមនបានដាក់កម្លាំងប្រជាការពារខណ្ឌចុះមកបាញ់ទឹកលាងសម្អាតមហាវិថីទាំង២ខ្សែខាងលើនេះដើម្បីអោយស្អាតល្អដោយមិនប៉ះពាល់បរិស្ថាននិងសុខភាពប្រជាជនហើយពិសេសជាងនេះទៀតនោះប្រជាជនគាត់ងាយស្រួលធ្វើដំណើរផងដែរ។
ជាមួយគ្នានេះដែរជានិច្ចកាលដោយមានការចង្អុលបង្ហាញពីសំណាក់លោក ថេង សុថុល អភិបាល នៃគណៈអភិបាលខណ្ឌចំការមននៃរាជធានីភ្នំពេញដោយបានជំរុញអោយ ក្រុមការងាររដ្ឋបាលខណ្ឌចំការមន និង កម្លាំងប្រជាការពារខណ្ឌចុះពិនិត្យធ្វើការងារនេះជាប្រចាំក្នុងការបាញ់ទឹកលាងសម្អាតផ្លូវថ្នល់នៅតាមបណ្ដោយមហាវិថីព្រះនរោត្តម និងមហាវិថីព្រះមុនីវង្សក្នុងមូលដ្ឋានខណ្ឌចំការមនដោយមានធុលីដីហុយដែលធ្វើអោយប៉ះពាល់ផ្នែកបរិស្ថាននិងសុខភាពមកលើបងប្អូនប្រជាជនធ្វើដំណើរតាមបណ្ដោយផ្លូវនេះពិបាកក្នុងការធ្វើដំណើរ និងអាចប៉ះពាល់ដល់សុខភាពផងដែរ។តែមិនថ្វីនោះទេក្រោយបាញ់ទឹកលាងសម្អាតរួចអ្វីៗវាបានល្អប្រសើរឡើងវិញពោលគឺមិនប៉ះពាល់សុខភាពនិងបរិស្ថានទៀតឡើយ។
ដោយឡែកកាលពីល្ងាចថ្ងៃទី៣១ខែមិនា និង នៅយប់កណ្ដាលអាធ្រាត្រឈានចូលថ្ងៃទី០១ខែមេសាឆ្នាំ២០២០នេះលោកធឹម សំអាន អភិបាលខណ្ឌបឹងកេងកងបានដឹកនាំកម្លាំងចម្រុះនិងកម្លាំងប្រជាការពារខណ្ឌដោយចុះធ្វើអនាម័យ បរិស្ថាន ដោយបាញ់ទឹកលាងសម្អាតមហាវិថីម៉ៅសេទុងនៅក្នុងមូលដ្ឋានខណ្ឌបឹងកេងកងអោយបានស្អាតល្អប្រសើរផងដែរហើយនៅយប់ថ្ងៃដដែលនេះដែរអាជ្ញាធរខណ្ឌបានស្ថាបនាផ្លូវក្រាលបេតុងនៅផ្លូវលេខ៣៥២នៅសង្កាត់បឹងកេងកងទី១ខណ្ឌបឹងកេងកងរាជធានីភ្នំពេញ។
ជានិច្ចកាលលោកធឹម សំអាន អភិបាលខណ្ឌបឹងកេងកងតែងតែមានការចង្អុលបង្ហាញនិងដឹកនាំកម្លាំងចម្រុះចុះដោយផ្ទាល់ធ្វើការងារសង្គមពោលគឺការងារចុះរៀបចំធ្វើសណ្ដាប់ធ្នាប់តាមដងផ្លូវនានាក្នុងមូលដ្ឋានជាពិសេសការងារអនាម័យ បរិស្ថាន ដោយបាញ់ទឹកលាងសម្អាតផ្លូវជាប្រចាំមិនថាយប់ឬថ្ងៃអ្វីឡើយដើម្បីលៃលកធ្វើយ៉ាងណានៅក្នុងមូលដ្ឋានខណ្ឌបឹងកេងកងមានអនាម័យបរិស្ថានល្អប្រសើរពោលគឺអនាម័យ បរិស្ថានល្អប្រសើរគឺផ្ដើមចេញពីយើងទាំងអស់គ្នាផងដែរ៕
