គាស់ផ្ទះលួចទ្រព្យសម្បត្តិគេចខ្លួន បាន៦ម៉ោង ត្រូវនគរបាលខណ្ឌប្ញស្សីកែវចាប់ខ្លួនបាន
ភ្នំពេញ ៖ នគរបាលខណ្ឌប្ញស្សីកែវ បន្ទាប់ពីទទួលបានពាក្យរបស់ម្ចាស់ផ្ទះ រយៈពេល៦ម៉ោងក្រោយ ក៏បានធ្វើការស្រាវជ្រាវឃាត់ខ្លួនជនសង្ស័យ គាស់ផ្ទះលួចទ្រព្យសម្បត្តិប្រជាពលរដ្ឋ នៅចំណុចផ្ទះលេខ៧៤ហាស់ ផ្លូវបេតុងក្រុមទី១០ ភូមិក្រោលគោ សង្កាត់គីឡូម៉ែត្រលេខ៦ ខណ្ឌប្ញស្សីកែវ។
ជនរងគ្រោះឈ្មោះ ខែក សុខមនោ ភេទប្រុស អាយុ 24ឆ្នាំ មុខរបរបុគ្គលិកក្រុមហ៊ុន metfone ស្នាក់នៅកន្លែងកើតហេតុ។
ជនសង្ស័យឈ្មោះ រឹម សុវណ្ណារ៉ុង ហៅរ៉ុង ប្រុសអាយុ ២៤ឆ្នាំ មានទីលំនៅមិនពិតប្រាកដមុខរបរគ្មាន (មានសារធាតុញៀន)។ សមត្ថកិច្ចដកហូតវត្ថុតាង រួមមាន ៖ ទូរស័ព្ទដៃចំនួន ១គ្រឿងម៉ាក camfone, កុំព្យូទ័រចំនួន ១គ្រឿងម៉ាកឌែល, ម៉ាស៊ីនថតរូបចំនួន ១គ្រឿងម៉ាក នីកុន ។ សម្ភារៈបាត់បង់មាន ៖ ទូរសព្ទដៃមួយគ្រឿងម៉ាក popo, ប្រាក់ចំនួន 750 ដុល្លារអាមេរិក, សញ្ញាណប័ណ្ណសញ្ជាតិខ្មែរចំនួន ១សន្លឹក ។
តាមការរៀបរាប់របស់ម្ចាស់ បានប្រាប់សមត្ថកិច្ចថា នៅថ្ងៃទី០ ខែមេសា ឆ្នាំ២០២០ វេលាម៉ោង ១១យប់ ជនរងគ្រោះបានបិទទ្វាររបងចាក់សោត្រឹមត្រូវ ដោយអាកាសធាតុក្តៅជនរងគ្រោះបានចំហរទ្វារផ្ទះខាងក្នុងឲ្យមានខ្យល់ចេញចូល លុះដល់វេលាម៉ោង៣និង៣០នាទីឈានចូលថ្ងៃទី៣ ខែមេសា ឆ្នាំ២០២០ ជនសង្ស័យឃើញឱកាសល្អក៏បានគាស់សោរទ្វារខាងក្រៅ ចូលធ្ធ្វើសកម្មភាពលួចបានហើយបានគេចខ្លួនបាត់។លុះវេលាម៉ោង១០ព្រឹក ថ្ងៃខែឆ្នាំដដែលក្រោយពីទទួលបានពាក្យបណ្ដឹងហើយ កម្លាំងខណ្ឌ+ប៉ុស្តិ៍ ធ្វើការស្រាវជ្រាវឈានទៅដល់ការឃាត់ខ្លួន សង្ស័យតែម្ដង។
ចំពោះមុខអធិការដ្ឋាន ជនសង្ស័យកំពុងកសាងសំណុំរឿង បញ្ជូនតាមនីតិវិធី។