ហ៊ឹម សារ់ាន់ធ្វើឲ្យមាស សុជាតិលស់ព្រលឹង
ភ្នំពេញ៖ការប្រកួតប្រដាល់បិទទ្វារលើសង្វៀនខារ៉ាបាវរបស់អាស៊ីអាគ្នេយ៍រសៀលថ្ងៃទី១១មេសាអ្នកប្រដាល់ហ៊ឹម សារ៉ានសមាគមប្រដាល់ក្រសួងការពារជាតិបានធ្វើឲ្យអ្នកប្រដាល់មាស សុជាតិក្លិបក្រុងប៉ោយប៉ែតលស់ព្រលឹងមិនតិចឡើយ ។
ជំនួបរវាងអ្នកប្រដាល់ទាំង២រូបនេះនរណាក៏ហ៊ានទាយទុកជាមុនដែរថាសារ៉ាន់នឹងចាញ់សុជាតិហើយអាចនឹងចាញ់មុនទឹកទី១ទៀតផង។តាមពិតសារ៉ានជាអ្នកប្រដាល់ជើងខ្លាំងមួយរូបតែប៉ុន្មានឆ្នាំចុងក្រោយនេះគេធ្លាក់ចុះយ៉ាងខ្លាំងក្នុងខណៈដែលសុជាតិគឺជាខ្លាក្នុងចំណោមខ្លានោះ ។
ក្នុងការប្រកួតលើ់កនេះសារ៉ានល្អទាំងកម្លាំង ល្អ ទាំងបច្ចេកទេសគេប្រើកែងជង្គង់និងទាត់បានល្អមិនតែប៉ុណ្ណោះស្នៀតទាត់ផ្កាប់ចានរបស់គេស៊ីកញ្ចឹង ក របស់សុជាតិជាញឹកញាប់ ។ចំពោះកញ្ចឹង ក របស់សារ៉ាន់ក៏ស៊ី
ទម្ងន់ជើងរបស់សុជាតិមិនតិចដែរតែគេអាចទ្រាំទ្របាន ។
អ្នកប្រដាល់ទាំង២រូបនេះប្រកួតគ្នាដោយប្រើបច្ចេកទេសតែម្ដង ។បន្ទាប់ពីប្រកួតគ្នា៥ទឹកពេញនោះលទ្ធ
ផលចុងក្រោយបានត្រឹមស្មើពិន្ទុគ្នាតែប៉ុណ្ណោះ ។
នឹម ននក្លិបទ័ពឆ័ត្រយោង៩១១ប្រកួតឈ្នះអ្នកប្រដាល់ណាម ម៉ូរ៉ាក់ក្លិបពន្លឺសាមគ្គីខេត្តបាត់ដំបងដោយ
ពិន្ទុទាំងត្រដាបត្រដួសព្រមទាំងមានរបួសទៀតផង ។
ស្ថានភាពនៃការប្រកួតរវាងអ្នកប្រដាល់ទាំង២រូបនេះ៣ទឹកដំបូងណាម ម៉ូរ៉ាក់វ៉ៃបានល្អអស់ទាស់មិនតែ
ប៉ុណ្ណោះនៅទឹកទី៣ម៉ូរ៉ាក់បានធ្វើឲ្យនឹម ននមានរបួសទៀតផង ។ទោះបីរបួសរបស់នឹម ននធំហើយឈាមហូរ
ច្រើនក៏ពិតមែនតែឈាមនិនបានរំខានដល់ភ្នែករបស់គេនោះទើបទាំងគ្រូពេទ្យ ទាំងអាជ្ញាកណ្ដាលអនុញ្ញាតឲ្យ
បន្តការប្រកួតរហូតចប់ទឹកទី៥ដែលលទ្ធផលចុងក្រោយនឹម ននជាអ្នកឈ្នះ ។
ជ័យ ស៊ីណេតក្លិបឃ្លាំងមឿងកីឡាប្រកួតចាញ់ពិន្ទុអ្នកប្រដាល់ឡូញ វ៉ាន់ឌីក្លិបពន្លឺវិបុលដោយពិន្ទុទាំង
មិនអស់ចិត្ត។
តាមពិតស៊ីណេតវ៉ៃល្អពិសេសការវ៉ៃចេញរបស់គេភាគច្រើនចំគោលដៅបានល្អតែដោយសារតែកំពស់
របស់គេចាញ់ប្រៀបវ៉ាន់ឌីនោះទើបគេលំបាក ។វ៉ាន់ឌីដែលមានភាពវាងវៃនោះគេវ៉ៃដោយប្រយោលហើយចំគោលដៅបានច្រើនដែលទីបញ្ចប់វ៉ាន់ឌីជាអ្នកឈ្នះ ។
ងួន គាក្លិបខេត្តរតនគីរីប្រកួតឈ្នះអ្នកប្រដាល់រឿង សារិទ្ធក្លិបម្កុដរាជសីហ៍ដោយពិន្ទុដាច់តែម្ដង ។សូត្រ
ប៊ុនឃីមក្លិបបក្សីស្លាបដែកប្រកួតឈ្នះអ្នកប្រដាល់សៅ ជំនោរក្លិបថ្នល់ទទឹងគុនខ្មែរដោយពិន្ទុ ៕