ចាប់ជនជាតិចិន ៣នាក់ ពីបទចាប់ជំរិតទារប្រាក់ ចាប់មនុស្សដាក់ក្នុងរថយន្ដទារប្រាក់
ភ្នំពេញ៖ ស្នងការដ្ឋាននគរបាលរាជធានីភ្នំពេញ បានឲ្យដឹងថា ជនសង្ស័យចំនួន ៣នាក់ ត្រូវបានឃាត់ខ្លួនពីបទចាប់ជំរិតទារប្រាក់ ( ចាប់មនុស្សដាក់ក្នុងរថយន្ដទារប្រាក់) នៅចំណុចក្នុងបន្ទប់លេខ៩០២ ជាន់ទី៩ សណ្ឋាគារ ហាយហៀងមីងជូ ផ្លូវលេខ២៧៨ ភូមិ៥ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ។
កាលពីវេលាម៉ោង ២១:២០នាទី ថ្ងៃទី១២ ខែមេសា ឆ្នាំ២០២០ ជនសង្ស័យ ចំនួន៣នាក់ ត្រូវបានឃាត់ខ្លួនរួមមាន : 1- ឈ្មោះ ចម ជីងមីង ( ZHAO-JIANMING ) ភេទប្រុស អាយុ ៣៥ឆ្នាំ ជនជាតិចិន ស្នាក់នៅម្ដុំក្រោយក្រសួងការពារជាតិ ។ 2- XIAO-ZEAN ភេទប្រុស ជនជាតិចិន អាយុ ៣២ឆ្នាំ កាន់លិខិតឆ្លងដែនលេខ: EA- 2019587 ស្នាក់នៅម្ដុំកោះពេជ្រ មុខរបរមិនពិតប្រាកដ។ 3-ឈ្មោះ HU FENGWEN ភេទប្រុស អាយុ ៣១ឆ្នាំ ជនជាតិ ចិន ស្នាក់នៅផ្ទះជួលលេខ 15 ផ្លូវលេខ 03 សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ មុខរបររកស៊ីខាងរ៉ែមាស ។ វត្ថុតាងចាប់យក: 1- រថយន្ដចំនួន1គ្រឿង ម៉ាក HILUX REVO ពណ៌ស្ករ ( របស់បក្ខពួកជនសង្ស័យរត់គេចខ្លួន) ។ 2- ទូរស័ព្ទចំនួន2គ្រឿង ម៉ាក iPhone 6 ពណ៌ ទឹកមាស, លុយចំនួន326$ , បណ្ណ័ព័ត៌មាន ( CTN TV) , ដំបងឆក់ចំនួន2 និងគ្រាប់ចំនួន1, ប័ណ្ណសម្គាល់រថយន្ដចំនួន1 និងកាតធានាគារចំនួន1 (ATM – ABA BANK) , ខ្នោះដៃចំនួន2, ក្រណាត់ពណ៌ខ្មៅចំនួន4 ( សម្រាប់គ្របមុខ) ។ (របស់ឈ្មោះ ZHAO JIANMING)។ 3- ទូរស័ព្ទចំនួន2 គ្រឿង ម៉ាក IPhone 6 ពណ៌ ខ្មៅ និងស , លុយដុល្លាចំនួន 13$ និងប្រាក់រៀលចំនួន 4200៛ , លិខិតឆ្លងដែនចំនួន1 លេខ EA 2019587 , Power Bank ពណ៌ស ម៉ាកRomoss, កូនសោមួយចង្កោម, និងកាបូបខ្មៅចំនួន1 ( ជារបស់ឈ្មោះ XIAO ZEAN) ។ 4-ទូរស័ព្ទចំនួន 1គ្រឿង ម៉ាកIPhone X ពណ៌ ទឹកប្រាក់។
ជនរងគ្រោះឈ្មោះ Lin Wei xian ភេទប្រុស ជនជាតិចិន អាយុ 31ឆ្នាំ ស្នាក់នៅ សណ្ឋាគារ ហាយលៀង មីងជូ ផ្ទះលេខ8 ផ្លូវ 278 ភូមិ5 សង្កាត់បឹងកេងកងទី1 ខណ្ឌបឹងកេងកង មុខរបរបុគ្គលិកខារ៉ាអូខេ។
ដំណើររឿងហេតុ៖ នៅថ្ងៃទី12.04.2020 វេលាម៉ោង09 និង20 នាទីជនរងគ្រោះជនជាតិចិនកំពុងស្នាក់នៅក្នុងសណ្ឋាគារហាយលៀងមីងជូបន្ទប់លេខ902 ជាន់ទី09 ផ្ទះលេខ8B ផ្លូវលេខ278 ភូមិ5 សង្កាត់បឹងកេងកងទី1 ខណ្ឌបឹងកេងកងរាជធានីភ្នំពេញពីរនាក់ប្រពន្ធឈ្មោះឈានជីយីង( CHEN GUZ YING) កំពុងហូបបាយបានប្រហែលមួយសន្ទុះស្រាប់តែមានជនសង្ស័យចំនួន05 នាក់03 នាក់ជនជាតិចិននិង02 នាក់ជាជនជាតិខ្មែរបានចូលមកក្នុងបន្ទប់របស់ជនរងគ្រោះហើយបានប្រាប់ជនរងគ្រោះថាខ្លួនជាប៉ូលីសនិងបានបង្ហាញប័ណ្ណសំគាល់ខ្លួនប៉ូលីសផងដែរបន្ទាប់មកក្រុមជនសង្ស័យក៏បានចាប់ជនរងគ្រោះជនជាតិចិនជាបុរសឈ្មោះLIN WEI XIAH នាំចេញពីសណ្ឋាគារខាងលើយកជនរងគ្រោះដាក់ចូលរថយន្ដមួយគ្រឿងម៉ាកហុីលុចរីវ៉ូពណ៍ស្ករពាក់ស្លាកលេខ: ខេមរភូមិន្ទ02 -1647 ហើយក្រុមជនសង្ស័យបានដាក់ខ្នោះដៃជនរងគ្រោះរួចនាំជនរងគ្រោះចេញទៅ។បន្ទាប់ជនសង្ស័យបានដឹកជនរងគ្រោះមកដល់ទីវាលមួយកន្លែងហើយក្រុមជនសង្ស័យបានយកទូរស័ព្ទរបស់ជនរងគ្រោះឲ្យជនរងគ្រោះទូរស័ព្ទតាមរយ:លេខ+855 11671129 ទៅប្រពន្ធជនរងគ្រោះអោយត្រៀមលុយមួយលានលុយចិនឬ10 ទៅ20 មឺុនដុល្លាសិនចាំទាក់ទងមកលុះមកដល់ចំនុចមុខផ្ទះមួយមិនស្គាល់ហើយបានឈប់រថយន្ដរួចចុះពីលើរថយន្ដទៅយាយជាមួយបក្ខពួកម្នាក់ទៀតពេលក្រុមជនសង្ស័យកំពុងនិយាយឆ្លាតឪកាសពេលនោះជនរងគ្រោះស្ទុះទៅកាន់ចង្កោតរថយន្ដភ្លាមនោះជនសង្ស័យម្នាក់ដែរអង្គុយខាងក្រោយក្នុងរថយន្ដបានស្ទុះមកក្រៀកកនិងវ៉ៃក្បាលជនរងគ្រោះនិងទាញចង្កូតរថយន្ដបណ្ដាលអោយរថយន្ដនោះរ៉េចង្កូតទៅបុកជាមួយរថយន្ដមួយគ្រឿងម៉ាកលិចសីុស570 ពណ៌ខ្មៅពាក់ស្លាក់លេខ: រដ្ឋ07-6888 ដែលចតទុកនៅលើផ្លូវ338 មុខផ្ទះលេខ3 D ភូមិ3 ក្រុម24 សង្កាត់ទួលស្វាយព្រៃទី1 ខណ្ឌបឹងកេងកងបណ្ដាលឲ្យរថយន្ដទីមុខលេងរួចបន្ទាប់សមត្ថកិច្ចយើងល្បាតទៅដល់ក៏បានឃាតលខ្លួនជនសង្ស័យចំនួន02នាក់(ជនជាតិចិន) រួមនិងវត្ដុតាងខាងលើមកទីស្នាក់ការប៉ុស្ដិ៍នគរបាលរដ្ឋបាលបឹងកេងកងទី1ដើម្បីសាកសួរតែម្ដង រហូតមកដល់ម៉ោងប្រហែល21:00នាទីថ្ងៃទី13.04.2020 សមត្ថកិច្ចយើងស្រាវជ្រាវឃាត់បានជនសង្ស័យចំនួន01នាក់ទៀតឈ្មោះHU FENGWEN ភេទប្រុសអាយុ31 ឆ្នាំជនជាតិចិននៅចំណុចមុខបុរីភ្នំពេញសង្កាត់ភ្នំពេញថ្មីខណ្ឌសែនសុខរាជធានីភ្នំពេញនាំមកអធិការដ្ឋាននគរបាលខណ្ឌបឹងកេងកងដើម្បីសាកសួរបន្តដើម្បីចាត់ការតាមផ្លូវច្បាប់។
បច្ចុប្បន្នជនសង្ស័យចំនួន3នាក់(ជនជាតិចិន) ខាងលើ រួមនិងវត្ថុតាង បានឃាត់នៅអធិការដ្ឋាននគរបាលខណ្ឌបឹងកេងកង ដើម្បីកសាងសំណុំរឿង បញ្ជូនបន្តទៅសាលាដំបូងរាជធានីភ្នំពេញ ចាត់ការតាមនីតិវិធីច្បាប់ ៕
