វគ្គសម្រាប់មន្ត្រីរៀបចំការប្រកួតមួយត្រូវបានខកខាន
ភ្នំពេញ៖អគ្គលេខាធិការសហព័ន្ធកីឡាចំបាប់កម្ពុជាគឺលោកធិន វិចិត្របានសម្ដែងនូវការខកចិត្តយ៉ាង
ខ្លាំងក្នុងខណៈដែលវគ្គបណ្ដុះបណ្ដាលមន្ត្រីរៀបចំការប្រកួតមួយត្រូវបានខកខាននាឆ្នាំ២០២០នេះ ។
លោកបានបន្ទោសទៅលើការរាតត្បាតនៃជម្ងឺកូវីដ១៩ដែលធ្វើឲ្យអ្វីៗទាំងអស់នៅក្នុងេពិភពលោកត្រូវ
បានលើកពេលឬត្រូវបានលុបចោលតែម្ដង។វគ្គដែលគ្រោងនឹងបើកធ្វើឡើងនេះស្ថិតក្រោមការជួយជ្រោមជ្រែងពីសហប័ន្ធអន្តរជាតិនិងក្រោមការចំណាយរបស់ក្រសួងអប់រំយុវជន និង កីឡា ។
កម្ពុជាធ្លាប់ធ្វើជាម្ចាស់ផ្ទះនៃការប្រកួតជើងឯកអាស៊ីអាគ្នេយ៍មិនតែប៉ុណ្ណោះនាឆ្នាំ២០២៣កម្ពុជានឹងធ្វើជាម្ចាស់ផ្ទះនៃការប្រកួតកីឡាស៊ីហ្គេមលើកទី៣២ហេតុនេះកម្ពុជាត្រូវតែមានមន្ត្រីដែលមានសមត្ថភាពរៀបចំការប្រ
កួត មន្ត្រីគ្រប់គ្រងការប្រកួត ។លោកអគ្គលេខាធិការទទួលស្គាល់ថានេះជាវគ្គដ៍សំខាន់ដែលកម្ពុជាត្រូវការជាទី
បំផុត ។
លោកអគ្គលេខាធិការសហព័ន្ធរូបនេះទទួលស្គាល់ថាកម្ពុជាពិតជាមានមន្ត្រីរៀបចំការប្រកួត និង គ្រប់
គ្រងការប្រកួតកម្រិតជាតិមែនតែមន្ត្រីគ្រប់គ្រង និងរៀបចំការប្រកួតនៅខ្វះពិសេសអាជ្ញាកណ្ដាល និង ចៅក្រម
ដែលជាអ្នកមានតួនាទីសំខាន់នៅក្នុងការប្រកួត ។
ក្រៅពីខកខានក្នុងការទទួលយកនូវវគ្គបណ្ដុះបណ្ដាលមន្ត្រីរៀបចំការប្រកួត និង មន្ត្រីគ្រប់គ្រងការប្រកួត
នោះការប្រកួតចំបាប់ជើងឯកពិភពលោក(World Champion)នៅប្រទេសហុងគ្រីនាខែឧសភាក៏ត្រូវលើកពេល ។
ជាមួយគ្នានេះការប្រកួតជម្រុះសម្រាប់ប្រជែងរកកៅអីសម្រាប់កីឡាអូឡាំពិកនៅឯទីក្រុងតូក្យូប្រទេស
ជប៉ុនក៏ត្រូវខកខានក្នុងខណៈដែលកីឡាការប្រកួតកីឡាអូឡាំពិកត្រូវលើទៅឆ្នាំ២០២១ដែរនោះ ។ការប្រកួតជើង
ឯកអាស៊ីអាគ្នេយ៍(SEA Champion)នៅប្រទេសហ្វីលីពីនក៏ត្រូវខកខានដូចគ្នាដែរ ៕