អាជ្ញាធរខណ្ឌបឹងកេងកង ចុះផ្សព្វផ្សាយស្ដីពីវិធានការ បង្ការទប់ស្កាត់នៃមេរោគកូវីដ១៩តាមសង្កាត់ទាំង៧
ភ្នំពេញ៖កាលពីល្ងាចថ្ងៃទី២៥ ខែឧសភា ឆ្នាំ២០២០នេះរដ្ឋបាលខណ្ឌបឹងកេងកង ដែលដឹកនាំក្រុមការងារដោយលោកស្រីអភិបាលរងខណ្ឌបឹងកេងកងសុិន រតនា ដែលតំណាងលោកអភិបាលខណ្ឌបឹងកេងកងធឹម សំអានបានចុះផ្សព្វផ្សាយជាលើកទី២ ក្នុងការការពារនៃការរីករាលដាលនៃជម្ងឺកូវីដ១៩ ដោយអនុវត្តាមតសេចក្ដីណែនាំរបស់សាលារាជធានីភ្នំពេញលេខ០៤២/២០.សជណ.ច្រ ស្តីពីការបន្តអប់រំសុខភាពជូនប្រជាពលរដ្ឋ និងការពង្រឹងការងារតាមដានការអនុវត្តវិធានការការពាររលកទីពីរ នៃការចម្លងមេរោគកូវីដ១៩នៅ តាមបណ្ដាសង្កាត់ទាំង៧ ក្នុងមូលដ្ឋានខណ្ឌបឹងកេងកង រាជធានីភ្នំពេញ ដើម្បីជូនដល់បងប្អូនប្រជាពលរដ្ឋ កម្មករ កម្មការនី ម្ចាស់អាជីវកម្ម សេវាកម្ម និងភោជនីយដ្ឋាននានាទាំងអស់ ក្នុងមូលដ្ឋានខណ្ឌបឹងកេងកងត្រូវតែបន្តការធ្វើអនាម័យ ការពារ ដោយពាក់ម៉ាស លាងសម្អាតដៃជាមួយអាល់កុល ឬជែល អោយបានត្រឹមត្រូវព្រមទាំងត្រូវវាស់កម្តៅជាប្រចាំ និងប្រុងប្រយ័ត្នខ្ពស់ចំពោះរលកទី២ នៃការចម្លងមេរោគកូវីដ១៩ ជាពិសេសធ្វើតាមការណែនាំ និងផ្សព្វផ្សាយរបស់អាជ្ញាធរ និងក្រសួងសុខាភិបាលបន្តទៀតដើម្បីបញ្ចៀសអោយបាននូវការឆ្លងរាតត្បាតនៃជម្ងឺនេះ៕
