លោកថោង ខុនចូលរួមប្រជុំតាមអនឡាញនៃក្រុមប្រឹក្សាអូឡាំពិកអាស៊ី
ភ្នំពេញ៖លោកថោង ខុនប្រធានគណៈកម្មាធិការជាតិអូឡាំពិកកម្ពុជារួមជាមួយលោក
នាយឧត្តមសេនីយ៍សៅសុខាអនុប្រធាននិងលោកវ៉ាត់ចំរើនដែលជាអគ្គលេខាធិការបានចូល
រួមប្រជុំតាមអនឡាញនៃក្រុមប្រឹក្សាអូឡាំពិកអាស៊ី(OCA)ដែលធ្វើនៅទីក្រុងMuscatនាប្រទេសអូម៉ង់ ។
កិច្ចប្រជុំដែលធ្វើឡើងប្រមាណជា៨ម៉ោងកាលពីថ្ងៃទី១៦ធ្នូមានការចូលរួមពីសំណាក់ព្រះអង្គម្ចាស់Sheik Ahmadជាប្រធានក្រុមប្រឹក្សាអូឡាំពិកអាស៊ី ព្រមទាំស្ដាប់សារបស់លោក
Thomas Bach ប្រធានគណៈកម្មាធិការអូឡាំពិកអន្តរជាតិ ។កិច្ចប្រជុំនេះមានប្រទេសចនួន៤៥
បានចូលរួម ។សម្រាប់ប្រទេសដែលនៅកៀកជាមួយប្រទេសអូម៉ង់បានចូលរួមដោយផ្ទាល់តែ
ប្រទេសនៅតំបន់អាស៊ីអាគ្នេយ៍មិនបានចូលរួមផ្ទាល់នោះឡើយ ។
កិច្ចប្រជុំបានធ្វើការបោះឆ្នោតទទួលធ្វើម្ចាស់ផ្ទះការប្រកួតកីឡាអាស៊ីនាឆ្នាំ២០៣០ និង
ឆ្នាំ២០៣៤ដែលលទ្ធផលបានទៅទីក្រុងដូហានៃប្រទេសកាតា ។
នេះជាលើកទី១ហើយដែលគ្រួសារកីឡាអូឡាំពិកអាស៊ីប្រជុំដោយមិនបានជួបជុំគ្នាដោយផ្ទាល់ព្រោះតែកូវីដ ១៩ ។
តាមរយៈមហាសន្និបាតនេះប្រមុខកីឡាអូឡាំពិកអន្តរជាតិសំណូមពរឲ្យប្រទេសជាសមាជិកទាំងអស់ចូលរួមប្រកួតកីឡាអូឡាំពិកនាឆ្នាំ២០២១នៅទីក្រុងតូក្យូនាខែកក្កដា និងសីហា ។
សម្រាប់ឆ្នាំ២០២១នឹងមាមនការប្រកួតច្រើនដោយសារតែការប្រកួតជាច្រើនបានសុទ្ធ
តែបានបន្សល់ពីឆ្នាំ២០២០កម្ពុជាក៏បានត្រៀមខ្លួនចូលរួមការប្រកួតគ្រប់ព្រឹត្តិការណ៍ទាំងអស់
ជាមួយគ្នានេះដែរប្រទេសជាសមាជិកទាំងអស់បានប្រកាសពីការជួយស្ដារដល់បណ្ដាទីក្រុងនៃប្រទេសដែលត្រូវធ្វើជាម្ចាស់ផ្ទះបន្ទាប់ពីកូវីដ ១៩។បន្ទាប់ពីកូវីដ១៩បណ្ដាប្រទេសដែល
ត្រូវធ្វើជាម្ចាស់ផ្ទះទាំងនោះត្រូវធ្វើរបាយការណ៍វឌ្ឍនភាពការងារបង្ហាញជូនប្រទេសជាសមាជិក ៕
