មើលលទ្ធផលបឋម នៃការប្រកួតកាយសម្ព័ន្ធ
ភ្នំពេញ៖ការប្រកួតកីឡាកាយសម្ព័ន្ធជើងឯកជាតិឆ្នាំ២០២០និងពានរង្វាន់ឯកឧត្តមបណ្ឌិតថោង ខុនលើកទី៤មកទល់ពេលនេះស្ទើរតែចប់ការប្រកួតទៅហើយ ។
ចំពោះលទ្ធផលបឋមនៃការប្រកួតនោះបង្ហាញថាក្រុមក្រសួងមហាផ្ទៃកំពុងតែឈរនៅកំពូលតារាងដោយសារតែក្រុមនេះបានទទួលមេដាយមាសច្រនជាងគេ ។
វិញ្ញាសាចំនួន៤ដែលបានបញ្ចប់ការប្រកួតទៅហើយនោះក្រុមកីលាកាយសម្ព័ន្ធក្រសួងមហាផ្ទៃប្រជែងបានមេដាយមាសចំនួន២គ្រឿងគឺវិញ្ញាសាអាអេរ៉ូប៊ិក(Aerobic)ជាក្រមចំនួន៥នាក់និងវិញ្ញាសាអាអេរ៉ូប៊ិកគូ(បុរស នារី) ។ក្រៅពីនេះក្រុមនេះក៏ប្រជែងបានមេដាយប្រាក់ ចំនួន១គ្រឿងលើវិញ្ញាសាអាអេរ៉ូប៊ិកទ្រីយ៉ូបុរស នារី និងមេដាយសំរិទ្ធចំនួន១គ្រឿងលើវិញ្ញាសាអាកទីស្ទីកក្រុមចំនួន៦នាក់ដែលលេងលើឧបករណ៍ចំនួន៦ ។
ខេត្តក្រចេះទទួលបានមេដាយមាសមួយគ្រឿងលើវិញ្ញាសាអាអេរ៉ូប៊ិកជាក្រុម៦នាក់លេងលើ៦ឧបករណ៍គឺឧបករណ៍លើកម្រាលឧបករណ៍សេះលោត សេះកង របារនឹង របរស្រប និង ឧបករណ៍កង ។ខេត្តក្រចេះក៏ដណដើមបានមេដាយប្រាក់២គ្រឿងលើវិញ្ញាសាអាអេរ៉ូប៊ិកជាក្រុម៥នាក់ និងអាអេរ៉ូប៊ិកជាគូបុរស នារី និងមេដាយសំរិទ្ធមួយគ្រឿងលើវិញ្ញាសាអាអេរ៉ូប៊ិកទ្រីយ៉ូបុរស នារី ។
ខេត្តកំពង់ឆ្នាំងក្រុមទី២បានមេដាយមាសមួយគ្រឿងលើវិញ្ញាសាអាអេរ៉ូប៊ិកទ្រីយ៉ូបុរស នារី មេដាយម្រាក់មួយគ្រឿងលើវិញ្ញាសាអាកទីស្ទីកជាក្រុម៦នាក់លេងចំនួន៦ឧបករណ៍និងមេដាយសំរិទ្ធ២គ្រឿងលើវិញ្ញាសាអាអេរ៉ូប៊ិកជាក្រុម៥នាក់ និងអាអេរ៉ូប៊ិកជាគូបុរសនារី ៕