អភិបាលខណ្ឌច្បារអំពៅ ចុះពិនិត្យទីតាំងលក់ត្រី ពេលយប់ នៅបេនឡានច្បារអំពៅ
ភ្នំពេញ៖កាលពីម៉ោងទៀបភ្លឺនាថ្ងៃទី២ ខែកុម្ភៈ ឆ្នាំ២០២១នេះ លោកចេង មុនីរ៉ា អភិបាលខណ្ឌច្បារអំពៅ ដែលអមដំណើរដោយលោករស់ សុភ័ក្ត អភិបាលរង ខណ្ឌច្បារអំពៅ និង លោកយ៉ិន វុធ ចៅសង្កាត់ច្បារអំពៅទី២ ព្រមទាំងលោកគួច ចំណានប្រធានគណៈកម្មការផ្សារច្បារអំពៅ ដោយបានចុះពិនិត្យស្ថានភាពទីតាំងដេប៉ូត្រី(យឿត្រី) ពេលយប់នៅចំណតរថយន្តច្បារអំពៅ ហើយបានបន្តដំណើរឆ្ពោះទៅពិនិត្យទីតាំងលក់ដូរទំនិញគ្រឿងឧបភោគ គ្រឿងបរិភោគរបស់បងប្អូនជនជាតិ(ផ្សារជនជាតិ) នៅផ្លូវ៣៦៩ភូមិព្រែកតាពៅ សង្កាត់ព្រែកប្រាខណ្ឌច្បារអំពៅ ព្រមទាំងធ្វើការជួបសំណេះសំណាលជាមួយបងប្អូន ដែលកំពង់ហាត់ប្រាណដើម្បីសុខភាពនៅតាមផ្លូវស្ពានព្រែកប្រាំង ក្នុងសង្កាតព្រែកប្រានិងសង្កាត់និរោធ។
គួរបញ្ជាក់ផងដែរថា ជានិច្ចកាលលោកអភិបាលខណ្ឌច្បារអំពៅចេង មុនីរ៉ា តែងតែដឹកនាំកម្លាំងចម្រុះចុះពិនិត្យសកម្មភាពការងារសង្គមក្នុងមូលដ្ឋានខ្លួន គ្រប់គ្រងជាហូរហែរមិនថាពេលថ្ងៃ ឬពេលយប់ព្រលប់និងថ្ងៃសៅរ៍ថ្ងៃអាទិត្យឡើយ ដោយមិនគិតពីការនឿយហត់គឺដើម្បីរក្សាការពារសន្តិសុខ សណ្ដាប់ធ្នាប់ជូនប្រជាជនបានល្អប្រសើរតួយ៉ាងដូចនាយប់នេះជាដើម៕
