នាយឧត្តមសេនីយ៍ គន់ គីម បានអញ្ជើញជួបសំណេះសំណាលជាមួយបង ប្អូនអតីតយុទ្ធជនចំនួន ២០០ គ្រួសារ នៅទីបញ្ជាការដ្ឋានតំបន់ប្រតិបត្តិការសឹករងខេត្ត កោះកុង
(កោះកុង) ឯកឧត្តម នាយឧត្តមសេនីយ៍ គន់ គីម ទេសរដ្ឋមន្រ្តីទទួលបន្ទុក បេសកកម្មពិសេស អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជាអមដំណេីរដោយ លោកជំទាវ មិថុនា ភូថង អភិបាលនៃគណអភិបាល ខេត្តកោះកុង បានអញ្ជើញជួបសំណេះសំណាលជាមួយបង ប្អូនអតីតយុទ្ធជនចំនួន ២០០ គ្រួសារ នៅទីបញ្ជាការដ្ឋានតំបន់ប្រតិបត្តិការសឹករងខេត្ត កោះកុង នារសៀលថ្ងៃទី២២ ខែកុម្ភៈ ឆ្នាំ ២០២១។
ឯកឧត្តម ទេសរដ្ឋមន្រ្តី បានពាំនាំនូវការផ្តាំផ្ញេីសួរសុខទុក្ខពីសម្តេចតេជោ ប្រធានសមាគម អតីតយុទ្ធជនកម្ពុជា និងសម្តេចកត្តិព្រឹទ្ធបណ្ឌិត ជូនដល់បងប្អូនសមាជិកអតីតយុទ្ធជនទូទាំងខេត្តកោះកុង សម្តេចបានវាយតម្លៃខ្ពស់ចំពោះការធ្វេីពលិកម្មគ្រប់បែប យ៉ាងរបស់បងប្អូនអតីតយុទ្ធជនក្នុងបុព្វហេតុសុខសន្តិភាព របស់ប្រទេសជាតិទាំងមូល។ ឯកឧត្តម ក៏បាន
អរគុណចំពោះថ្នាក់ដឹកនាំ សមាគមអតីតយុទ្ធជន ក្រុងស្រុក ខេត្ត និងសាខាឃុំ សង្កាត់ដែលបានយកចិត្តទុកដាក់មេីលថែបងប្អូនអតីតយុទ្ធជនយេីង និងសូមអោយខេត្តខិតខំគ្រប់គ្រងដីសម្បទានសម្រាប់អតីតយុទ្ធជន អោយបានល្អដេីម្បីទុកសម្រាប់ដោះ ស្រាយជូនបងប្អូនយេីងជាបន្តទៀត និងបន្តដោះស្រាយជីវភាពបងប្អូនយេីងដែលជួបលំបាកអោយទាន់ពេលវេលា។
ជំនួសមុខសម្តេចពិជ័យសេនា ទៀ បាញ់ អនុប្រធានសមាគមអតីតយុទ្ធជនកម្ពុជាសូមជូនពរ បងប្អូនទាំងអស់សូមមានសុខភាពល្អ សេរីសួស្តី និងសុភមង្គល និងសុំអោយបងប្អូនយេីងត្រូវខិតខំរកស៊ី បង្ក បង្កើនផល លើកស្ទួយជីវភាពខ្លួនឲ្យប្រសើរឡើង ជំនះអោយបានផលវិបាកពីកូវីដ-១៩ ត្រូវចេះជួយយកអាសារគ្នា ពេលមានទុក្ខធុរៈ ។ ឯកឧត្តម ទេសរដ្ឋមន្ត្រី គន់ គីម បានចែកជូន
បងប្អូនទាំង២០០គ្រួសារដែលជាអំណោយរបស់ សម្តេចទាំង ពីរក្នុងមួយគ្រួសារ អង្ករ៣០គក្រ ឃីត១ ភួយ១ កន្ទេល១ ធុងទឹក១ ទឹកត្រី១យួរ មី១០ កញ្ចប់ ប្រេងឆា២ដប អំបិល២គក្រ ថវិកា៨ម៉ឺនរៀល ។ក្នុងនោះដែរ សម្តេចតេជោ និងសម្តេចកិត្តិព្រឹទ្ធបណ្ឌិតដែលតែងតែយកចិត្តទុកដាក់ដល់ពួកគាត់ជាក់ស្តែង ថ្ងៃនេះ ក្នុងនាមសម្តេចទាំងពីរ ឯកឧត្តម បានចុះមកជួបបងប្អូនយេីងដោយផ្ទាល់។ ដោយ មេីលឃេីញការលំបាក របស់បងប្អូនដែលជួបការលំបាក ឯកឧត្តម ក៏បានចលនាថ្នាក់ ដឹកនាំជុំវិញខេត្ត ជួយសង់ផ្ទះអំណោយសម្តេចជូន១០ខ្នង។
ចំពោះអ្នកអត់ដីអ់ត់ផ្ទះ ១០១ គ្រួសារ សូមអោយខេត្តរៀបចំដីសម្បទាននៅត្រពាំងរូង ជូនបងប្អូនផងដែរ។
ឯកឧត្តម ទេសរដ្ឋមន្ត្រី ក៏បានណែនាំឱ្យបងប្អូនបន្តយកចិត្តទុកដាក់ចំពោះបញ្ហាជំងឺកូវីដ-19 ដោយត្រូវអនុវត្តន៍តាមវិធានការណ៍កាពារកូវីដ-១៩ របស់ សម្តេចតេជោ គឺ ៣ការពារ
- ពាក់ម៉ាស់
- លាងដៃ
- គម្លាតសង្គម គម្លាតបុគ្គល
៣កុំ
- កុំចូលកន្លែងបិតជិត គ្មានខ្យល់ចេញចូល និងម៉ាស៊ីនត្រជាក់ច្រេីនពេក
- កុំទៅកន្លែងមានមនុស្សច្រេីន
- កុំប៉ះពាល់គ្នា កុំចាប់ដៃគ្នា កុំកៀកស្មា កុំឱបគ្នា
បងប្អូនទាំង២០០គ្រួសារ សូមបងប្អូនអនុវត្តឱ្យបានគ្រប់ៗគ្នា ។