អ្នកពាក់ព័ន្ធចូលក្នុងខ្លឹបហាត់ប្រាណហ្វឹតហ្សូនសូមទៅធ្វើតេស្តនៅ មណ្ឌលសុខភាពចាក់អង្រែក្រោម មន្ទីរពេទ្យខ្មែរសូវៀត និងមន្ទីរពេទ្យបង្អែកនៅតាមបណ្តាខេត្តនានា
ភ្នំពេញ ៖ នាយកដ្ឋានប្រយុទ្ធនឹងជំងឺឆ្លង នៅថ្ងទី១៨ខែមីនាឆ្នាំ២០២១ បានចេញប្រកាសបន្ទាន់អ្នកពាក់ព័ន្ធសូមទៅធ្វើតេស្តនៅ មណ្ឌលសុខភាពចាក់អង្រែក្រោម មន្ទីរពេទ្យខ្មែរសូវៀត និងមន្ទីរពេទ្យបង្អែកនៅតាមបណ្តាខេត្តនានា ។
បើតាមសេចក្តីជូនដំណឹង ករណីជាវិជ្ជមានកូវីដ-១៩ បានចូលក្នុងខ្លឹបហាត់ប្រាណហ្វឹតហ្សូន (Fit Zone) នៅលើផ្លូវ ៤៥០ បឹងត្របែក ភ្នំពេញ ចន្លោះពីថ្ងៃទី១ ដល់ទី១២ ខែមីនា ឆ្នាំ ២០២១ ។
សូមអញ្ជើញបងប្អូនដែលមានរោគសញ្ញាដូចជា៖គ្រុនក្តៅ ក្អក កណ្តាស់ ឈឺបំពង់ក ឬដកដង្ហើម ខ្លីៗ និងធ្លាប់ចេញចូលទៅ
ក្នុងខ្លឹបហាត់ប្រាណតហ្សូន (Fit-Zone) ពីថ្ងៃទី ១ ដល់ទី១២ ខែមីនាឆ្នាំ ២០២១ សូមអញ្ជើញទៅធ្វើតេស្តនៅមន្ទីរពេទ្យដែល បានកំណត់អនុញ្ញាតក្នុងរាជធានីភ្នំពេញឬខេត្តរបស់អ្នក និង ពាក់ម៉ាស់ជាប្រចាំ។
ចំពោះបុគ្គលដែលមិនមានរោគសញ្ញាសូមចត្តាឡីស័កនៅផ្ទះ និងតាមដានសុខភាពរបស់អ្នករាល់ថ្ងៃរយៈពេល ១៤ ថ្ងៃរាប់ពី ថ្ងៃអ្នកបានប៉ះពាល់ចុងក្រោយ។ ព័ត៌មានបន្ថែមសូមទាក់ទង លេខ ១១៥៕