ទឹកនៅតំបន់ការពារទេសភាពបឹងព្រែកល្ពៅ ស្រក ចុះជិតអស់ហើយ ធ្វើឲ្យហានិភ័យដល់ជំរកសត្វគ្រប់ប្រភេទនៅទីនោះ
ភ្នំពេញ៖អង្គការ BirdLife បានឱ្យដឹងនៅថ្ងៃទី១៧ ខែមីនា ឆ្នាំ២០២១ នេះថា ស្ថានភាព ទឹកនៅតំបន់ការពារទេសភាព បឹងព្រែកល្ពៅ ស្រកចុះជិតអស់ហើយ។
ដោយឡែកនៅក្នុងអាងគ្រប់គ្រងទឹកសាកល្បងសម្រាប់គាំទ្រដល់សត្វក្រៀល និង សត្វស្លាបផ្សេងទៀតនៅ រក្សាទឹកបានមួយចំនួន អាស្រ័យហេតុនេះហើយទើបក្រុមការងារ យើងកត់ត្រាបានសត្វស្លាបទឹកជាច្រើនប្រភេទ ដែលប្រមូលផ្តុំគ្នារកចំណីនៅទីតាំងនេះ កាលពីថ្ងៃទី១៤ ខែមីនានេះ។ ក្នុងនោះមានដូចជារនាលពណ៌ ត្រយងខ្លួនស ទន្ទ្រីតធំ ទុងប្រផេះជាដើម។
ក្រសួងបរិស្ថាន អជ្ញាធរមូលដ្ឋាន និងអង្គការដៃគូ មានដូចជា អង្គការBirdLife អង្គការជីវិតធម្មជាតិនៅកម្ពុជា និង អង្គការWWT បានសហការគ្នាយ៉ាងជិតស្និទ្ធក្នុង ការអភិរក្ស និងគ្រប់គ្រងតំបន់ដីសើម ដែលមាន សារៈសំខាន់ជាអន្តរជាតិនេះ៕ សំរិត