ហ្វឹកហាត់ នៅក្នុងទីលានបិទទ្វារ ជាជម្រើសល្អមួយ
ភ្នំពេញ៖ ក្នុងខណៈដែលព្រឹត្តិការណ៍ស៊ីហ្គេមលើកទី៣១ឆ្នាំ២០២១កានតែឈានមកកៀកនោះគណៈកម្មាធិការជាតិអូឡាំពិកកម្ពុ
ជាកំពុងតែពិចារណាពីការហ្វឹកហាត់ប្រមូលផ្ដុំឡើងវិញតែត្រូវធ្វើក្នុងទីលានដែលបិទជិត ។
ឯកឧត្តមវ៉ាត់ ចំរើនអគ្គលេខាធិការគណៈកម្មាធិការជាតិអូឡាំពិកកម្ពុជា និង ជាអគ្គលេខាធិការគណៈកម្មាធិការជាតិរៀបចំស៊ីហ្គេម
ឆ្នាំ២០២៣(CAMSOC)បានត្រៀមខ្លួនពិភាក្សាជាមួយក្រសួងអប់រំយុវជន និ កីឡាពីពីជម្រើសនៃការហ្វឹកហាត់ប្រមូលផ្ដុំក្នុទីលានបិទទ្វារដោយ
មានមការតាមដានពីគ្រូបង្វឹក និង អនុរក្សរបស់មជ្ឈមណ្ឌលជាតិហ្វឹកហ្វឺនកីឡា ។
ឯកឧត្តម វ៉ាត់ ចំរើន បន្ដថា ក្រោយការចាក់វ៉ាក់សាំងនេះ យើងទទួលបានភាពកក់ក្តៅក្នុងចិត្តសាស្ត្រកីឡាមួយហើយហេតុនេះ
យើងត្រូវតែបន្តការអនុវត្តនូវវិធានការ៣កុំ៣ការពារឲ្យបានម៉ឺងម៉ាត់ដដែលនោះគឺការដាក់វិន័យតឹងរឹងទាំងក្នុងពេលហ្វឹកហាត់និងការរស់នៅក្រៅពីការហ្វឹកហាត់ ដោយត្រូវតែឲ្យស្ថិតនៅក្រោមការឃ្លាំមើលរបស់គ្រូបង្វឹក អនុរក្ស និងថ្នាក់ដឹកនាំមិនឲ្យមានមានការថ្លោះធ្លោយឡើយ។
នរណាដើរលេងយប់ឬចេញទៅណាឆ្ងាយពីផ្ទះឬពីកន្លែងប្រមូលផ្តុំហ្វឹកហាត់របស់ខ្លួនគឺត្រូវដាក់ឲ្យនៅដាច់ដោយឡែកក្រោមការត្រួតពិនិត្យសុខភាពសិនដោយមិនទាន់ឲ្យវិលចូលហ្វឹកហាត់ក្នុងក្រុមវិញភ្លាមៗនោះទេ។យើងមិនអាចធ្វើឲ្យការហ្វឹកហាត់ក្រុមជម្រើសជាតិរាំងស្ទះបានទេ ប៉ុន្តែការហ្វឹកហាត់ត្រូវតែជាកន្លែងមានសុវត្ថិភាពខ្ពស់បំផុត សម្រាប់ក្រុមជម្រើសជាតិលើគ្រប់ប្រភេទកីឡាទាំងអស់។
ក្រុមកីឡាករ កីឡាការិនីជម្រើសជាតិកម្ពុជាដែលត្រូវបានរំសាយការប្រមូលផ្តុំហ្វឹកហាត់នឹងត្រូវប្រមូលផ្តុំចូលក្រុមជម្រើសជាតិ
ឡើងវិញ នាពេលខាងមុខឆាប់ៗនេះ ដើម្បីត្រៀមការប្រកួតអន្តរជាតិនានា ជាពិសេសគឺត្រៀមប្រកួតប្រជែងមេដាយ ស៊ីហ្គេម លើកទី៣១ ចុងឆ្នាំ២០២១ នៅប្រទេសវៀតណាមបន្ទាប់ពីការពិភាក្សាមានការឯកភាពគ្នារវាងផ្នែកដែលពាក់ព័ន្ធនោះ ។
ក្រុមជម្រើសជាតិ មានកីឡាករ កីឡាការិនី គ្រូបង្វឹក គ្រូជំនួយ មន្ត្រីកីឡាចំនួន ១០៥១នាក់បានចាក់រួចរាល់អស់ហើយ ប៉ុន្តែយើងកំពុងត្រួតពិនិត្យនីតិវិធីក្នុងការការពារបង្ការជំងឺកូវីដ-១៩ ក្នុងពេលប្រមូលផ្តុំហ្វឹកហាត់ជាបន្តទៀតក្នុងពេលខាងមុខឆាប់ៗនេះ។
បច្ចុប្បន្នយើងពុំទាន់ទទួលគោលការណ៍ពីក្រសួងជំនាញពាក់ព័ន្ធនៅឡើយទេ ប៉ុន្តែមជ្ឈមណ្ឌលជាតិហ្វឹកហ្វឺនកីឡានៃក្រសួងអប់រំ យុវជន និងកីឡាកំពុងជំរុញឲ្យការហ្វឹកហាត់លក្ខណៈប្រមូលផ្តុំឲ្យបានឆាប់ ដើម្បីត្រៀមចូលរួមប្រកួត ប្រជែងមេដាយ នៅក្នុងព្រឹត្តិការណ៍កីឡាស៊ីហ្គេម លើកទី៣១ ដែលគ្រោងនឹងរៀបចំពីថ្ងៃទី២០ខែវិច្ឆិកា ដល់ថ្ងៃទី៥ខែធ្នូ ឆ្នាំ២០២១ នៅទីក្រុងហាណូយ ប្រទេសវៀតណាម។
ដោយសារស្ថានភាពវិបត្តិជំងឺកូវីដ ១៩ព្រឹត្តិការណ៍សហគមន៍២០កុម្ភៈនៅតែបន្តការរីករាលដាលនៅឡើយនោះគណៈកម្មាធិការ
ជាតិអូឡាំពិកកម្ពុជាកំពុងពិនិត្យថាតើសហព័ន្ធកីឡាជាតិណាមានកន្លែងហ្វឹកហាត់បិទទ្វារសម្រាប់ក្រុមជម្រើសរបស់ខ្លួនដោយកុំឲ្យមានអ្នកចេញចូល គឺអនុញ្ញាតឲ្យមានតែកីឡាករ កីឡាការិនីហ្វឹកហាត់តែប៉ុណ្ណោះ។
ជាមួយគ្នានោះយើងរកទីលានហ្វឹកហាត់ណាដែលធានាបាននូវសុវត្ថិភាពសម្រាប់ការហ្វឹកហាត់របស់កីឡាករកីឡាការិនីទាំងការ
រស់នៅហូបចុកស្នាក់នៅក្នុងកន្លែងនោះផងដែរ។យើងមិនត្រូវតែត្រួតពិនិត្យតែទៅលើការហ្វឹកហាត់ប៉ុណ្ណោះទេប៉ុន្តែយើងថែមទាំងត្រួតពិនិត្យទាំងការគោរពវិធានការសុខាភិបាលដូចគ្នាផងដែរបើទោះបីជាក្រុមជម្រើសជាតិទាំងអស់បានចាក់វ៉ាក់សាំងរួចរាល់ហើយក្តីក៏ការចម្លងនៃជំងឺកូវីដ-១៩នៅតែជាក្តីបារម្ភដដែល។
ជាមួយគ្នានោះឯកឧត្តមអគ្គលេខាធិការបានអំពាវនាវឲ្យបណ្តាថ្នាក់ដឹកនាំសហព័ន្ធកីឡាជាតិនានាគ្រូបង្វឹកថ្នាក់ដឹកនាំមជ្ឈមណ្ឌលជាតិហ្វឹកហ្វឺនកីឡាជួយជាកម្លាំងចិត្តជាគោលការណ៍ដើម្បីធ្វើយ៉ាងណាជំរុញឲ្យកីឡាករកីឡាការិនីទាំងអស់ហ្វឹកហាត់ដោយគ្មានភាពភ័យខ្លាច ឬបារម្ភពីរឿងកូវីដ-១៩ ក្នុងអំឡុងពេលការហ្វឹកហាត់បង្កើនគុនភាពបច្ចេកទេសសម្រួចគោលដៅឆ្ពោះទៅប្រកួតសប្រជែងមេដាយ ក្នុងស៊ីហ្គេម ចុងឆ្នាំ២០២១នេះ។
ឯកឧត្តមបានលើកឡើងបន្ថែមទៀតថារាជរដ្ឋាភិបាលកម្ពុជាបានផ្តល់ការចាក់វ៉ាក់សាំងជូនដល់ក្រុមជម្រើសជាតិរួចរាល់ហើយ ដើម្បីផ្តល់ទំនុកចិត្តក្នុងការការពារពីជំងឺនេះកុំឲ្យមានក្តីព្រួយបារម្ភលើការចម្លងដែលមានហានិភ័យខ្ពស់ហើយអ្វីដែលយើងត្រូវធ្វើបន្តគឺស្ថិតនៅលើខ្លួនយើងទាំងអស់គ្នា ដោយត្រូវរឹតបន្ដឹងលើការរស់នៅ ការហ្វឹកហាត់ឲ្យមានអនាម័យខ្ពស់នៅគ្រប់កន្លែងទាំងអស់ ជាពិសេសគឺគ្រប់រូបនៃកីឡាករកីឡាការិនីមិនត្រូវចូលទៅជួបមិត្តភ័ក្ត្រឬជនផ្សេងៗទៀតដើម្បីថែរក្សាសុវត្ថិភាពដូចក្រុមជម្រើសជាតិនៃបណ្តាប្រទេសនានាដែលត្រៀមចូលរួមប្រកួត នៅក្រៅប្រទេស ដូចប្រទេសកម្ពុជាយើងដែរ។
ឯកឧត្តមជឿជាក់ថា ក្រុមជម្រើសជាតិយើងអាចធ្វើបាន និងប្កើននូវសកម្មភាពហ្វឹកហាត់ដើម្បីអភិវឌ្ឍន៍បច្ចេកទេសបានល្អប្រសើរ ប្រសិនបើយើងទាំងអស់គ្នាគោរពឲ្យបានខ្ជាប់ខ្ជួននូវវិធានការទាំងឡាយ ដែលបានដាក់ចេញឲ្យអនុវត្តនោះ៕
