ក្រុមការងារថ្នាក់កណ្ដាល គណៈបក្សប្រជាជនកម្ពុជា ចុះជួយរាជធានីភ្នំពេញឆ្លៀតពេលមកជួបប្រជាជនសួរសុខទុក្ខនិងផ្ដល់អំណោយ

ចេញផ្សាយ ថ្ងៃទី 29 ខែ មីនា ឆ្នាំ 2021

ភ្នំពេញ៖កាលពីវេលាថ្ងៃត្រង់នាថ្ងៃទី ២៩ ខែ មីនា ឆ្នាំ ២០២១នេះ ក្នុងនាមក្រុមការងារថ្នាក់កណ្តាលគណបក្សប្រជាជនកម្ពុជាចុះជួយរាជធានីភ្នំពេញ លោកជិន ប៊ុនធឿន នាយករងរដ្ឋបាលសាលារាជធានីភ្នំពេញ និង ជានាយកប្រតិបត្តិសាខាកាកបាទក្រហមកម្ពុជារាជធានីភ្នំពេញដោយបានឆ្លៀតពេលវេលាដ៏មមាញឹកចុះជួបមកសំណេះសំណាលសាកសួរសុខទុក្ខ និងនាំយកអំណោយជាគ្រឿងបរិភោគទៅប្រគល់ជូនដល់ដៃបងប្អូនប្រជាពលរដ្ឋដែលមានជីវភាពខ្វះខាតខ្លាំង ក្នុងអំឡុងពេលរងផលប៉ះពាល់ដោយសារជំងឺកូវីដ១៩ ចំនួន៦០គ្រួសារ រស់នៅភូមិជ្រោយអំពិល១ សង្កាត់ក្បាលកោះ ខណ្ឌច្បាអំពៅ រាជធានីភ្នំពេញ ។
នៅចំពោះមុខស្ថានភាពដែលមូលដ្ឋានមួយចំនួនក្នុងរាជធានីភ្នំពេញកំពុងមានការឆ្លងរាលដាលនូវជំងឺកូវីដ១៩ចូលក្នុងសហគមន៍ លោកជិន ប៊ុនធឿនដោយសូមអំពាវនាវដល់បងប្អូនប្រជាពលរដ្ឋទាំងអស់បង្កេីនការប្រុងប្រយត្ន័ខ្ពស់បន្ថែមទៀតបេីគ្មានការចាំបាច់ចូលកុំចេញក្រៅផ្ទះ និងជាពិសេសសូមបន្តអនុវត្តឲ្យបានខ្ជាប់ខ្ជួននូវវិធានការរបស់ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រី គឺ៖ ៣ ការពារ (១.ពាក់ម៉ាស់ ២.លាងដៃ ៣.គម្លាតសុវត្ថិភាពសង្គម និងគម្លាតសុវត្ថិភាពបុគ្គល ) និង ៣ កុំ ( ១.កុំចូលទៅកន្លែងបិទជិត គ្មានខ្យល់ចេញចូល និងប្រេីម៉ាសុីនត្រជាក់ច្រេីនពេក រកកន្លែងមានខ្យល់ចេញចូល ២.កុំទៅកន្លែងមនុស្សច្រេីនកុះករ ៣.កុំប៉ះពាល់គ្នា កុំចាប់ដៃគ្នា កុំកៀកស្មាគ្នា កុំឱបគ្នាជាដេីម ) ដេីម្បីចូលរួមទប់ស្កាត់ និងការពារការរីករាលដាលនៃជំងឺកូវីដ១៩ ទាំងអស់គ្នា ៕ដោយសុវណ្ណភូមិ