នគរបាលខណ្ឌឬស្សីកែវ ឃាត់ខ្លួនជនសង្ស័យ កាច់សោម៉ូតូម្នាក់ នៅភូមិបឹងសាឡាង
ភ្នំពេញ ៖ កម្លាំងនគរបាលខណ្ឌឬស្សីកែវ ឃាត់ខ្លួនជនសង្ស័យកាច់សោម៉ូតូម្នាក់ នៅថ្ងៃទី៣១ ខែកក្កដា ឆ្នាំ២០២១ វេលាម៉ោង១២ និង៤០នាទី នៅចំណុចផ្ទះលេខO១០ ផ្លូវបេតុង ក្រុមទី១ ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ។
លោក ហ៊ាង ថារ៉េត អធិការខណ្ឌប្ញស្សីកែវ បានបញ្ជាក់ថា ជនសង្ស័យឈ្មោះ អ៊ុំ សុធី ភេទប្រុស អាយុ១៨ឆ្នាំ មុខរបរមិនពិតប្រាកដ មានទីលំនៅផ្ទះជួល សង្កាត់បឹងកក់១ ខណ្ឌដូនពេញ(មានសារធាតុញៀន)អវិជ្ជមានកូវិដ។
ចំណែកជនរងគ្រោះឈ្មោះ ឯក ចាន់ថាណា ភេទប្រុស អាយុ៣៣ឆ្នាំ មុខរបរវិស្វករ មានទីលំនៅកន្លែងកេីតហេតុ។
ក្នុងនោះសមត្ថកិច្ច បានដកហូតសម្ភារៈ រួមមាន ម៉ូតូមួយគ្រឿងម៉ាក SUZIKI NEX ១១០ ពណ៍ក្រហម-ខ្មៅ សេរីឆ្នាំ២០១៣ ពាក់ស្លាកលេខ ភ្នំពេញ ១BY-៥៦៤៣ លេខម៉ាស៊ីន ៣០០២១៩ លេខតួ ៣០០១២២ (របស់ជនរងគ្រោះ)
តាមសេចក្តីរាយការណ៍របស់សមត្ថកិច្ច បានអោយដឹងថា នៅថ្ងៃកេីតហេតុខាងលេី ជនសង្ស័យមានគ្នាចំនួន ០២នាក់ជិះម៉ូតូមួយគ្រឿងម៉ាក SUZIKI NEX ពណ៍ប្រផេះ មិនស្គាលស្លាកលេខ បានធ្វេីសកម្មភាពលួចកាច់សោរកម៉ូតូជនរងគ្រោះបានសម្រេច តែជនរងគ្រោះឃេីញទាន់បានស្រែកថាចោរៗផ្អេីលដល់អ្នកជិតខាង ស្របពេលកំលាំងសមត្ថកិច្ចល្បាតឃេីញចុះអន្តរាគមន៍ឃាត់ខ្លួនជនសង្ស័យបានម្នាក់ រួមនឹងវត្ថុតាងនាំមកកាន់ប៉ុស្តិ៍ឫស្សីកែវតែម្តង។ ចំណែកឯជនសង្ស័យម្នាក់ទៀតបានជិះម៉ូតូគេចខ្លួនបាត់។
ចំពោះម៉ូតូ បានប្រគល់ជូនម្ចាស់វិញ ។ដោយឡែកជនសង្ស័យផ្នែកជំនាញខណ្ឌប៉ុស្តិ៍កំពុងធ្វេីការសាកសួរយកចម្លេីយកសាងសំណុំរឿងបញ្ចូនទៅសាលាដំបូងរាជធានីភ្នំពេញដេីម្បីអនុវត្តន៍តាមនីតិវិធីច្បាប់ ៕