ក្មេងឃ្វាលគោមួយក្រុម យកក្បាលគ្រាប់ប្រភេទM79 មកដំលេង បណ្តាលឲ្យផ្ទុះស្លាប់ម្នាក់ និងរងរបួសធ្ងន់ ៣ នាក់ បញ្ជូន
កំពង់ស្ពឺ ៖ ក្មេងឃ្វាលគោមួយក្រុម មានគ្នា ៤នាក់ បានរើសយកក្បាលគ្រាប់ចាស់ៗ ប្រភេទ M79 មកដំលេងបណ្តាលឲ្យផ្ទុះស្លាប់ម្នាក់ និងរងរបួសធ្ងន់ ៣ នាក់។ ហេតុការណ៍គ្រោះថ្នាក់ផ្ទុះគ្រាប់នេះ កើតឡើងនៅចំណុចក្នុងបរិវេណបន្ទាយACO (ទីតាំងបាញ់គ្រាប់ពិត) ស្ថិតក្នុងភូមិក្អែកពង ឃុំតាំងស្យា ស្រុកភ្នំស្រួច ខេត្តកំពង់ស្ពឺ នៅថ្ងៃអាទិត្យ ថ្ងៃទី២៦ ខែសីហា ឆ្នាំ២០១៨ កាលពីវេលាម៉ោង ១៦ និង ៣០ នាទីរសៀល។
ស្នងការដ្ឋាននគរបាលខេត្តកំពង់ស្ពឺ បានឲ្យដឹងថា តាមការបញ្ជាក់ពីលោកឧត្ដមសេនីយ៍ត្រី អ៊ុម ប៊ុនធឿន ស្នងការរង ផែនការងារអាវុធគ្រឿងផ្ទុះនិងអគ្គិភ័យ បានឲ្យដឹងថាក្មេងរងគ្រោះទាំងបួននាក់មានឈ្មោះ ១)ងោល តាំងហេង ភេទប្រុស អាយុ ១០ឆ្នាំ ស្លាប់នៅនឹងកន្លែង ២)ឈ្មោះ សូន រ័ត្ន ភេទ ប្រុសអាយុ ១២ឆ្នាំ ស្លាប់ពេលបញ្ជូនទៅដល់មន្ទីរពេទ្យ៣)ឈ្មោះយ៉ែម ស្វិត ភេទប្រុស អាយុ ៩ឆ្នាំរងរបួសធ្ងន់ ៤)ឈ្មោះ យ៉ែម ខ្មៅ ភេទប្រុស អាយុ ៦ឆ្នាំ របួសស្រាល ក្មេងទាំងបួននាក់ រស់នៅភូមិក្អែកពង ឃុំតាំងស្យា ស្រុកភ្នំស្រួច។
មុនពេលកើតហេតុក្មេងឃ្វាលគោទាំងបួននាក់បានដើរឃ្វាល គោនៅក្បែរទីតាំងបាញ់គ្រាប់ពិត ACO ក្រោយមកបាននាំគ្នារើសក្បាលគ្រាប់ ប្រភេទM79 យកទៅដំលេងរួចបណ្តាលឲ្យផ្ទុះ បណ្តាលឲ្យក្មេងប្រុស ឈ្មោះងោល តាំងហេង ស្លាប់ នៅនិងកន្លែងក្រោយពីកើតហេតុក្មេងរងរបួសទាំងបីនាក់ ត្រូវបានក្រុមគ្រួសារដឹកបញ្ជូនទៅសង្គ្រោះ នៅមន្ទីរពេទ្យបង្អែកខេត្តកំពង់ស្ពឺ។ ចំណែកសពក្មេងរងគ្រោះត្រូវបាន មន្ត្រីជំនាញប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។
ចំណុចទីតាំងនេះផងដែរ ក៏ធ្លាប់មានករណីផ្ទុះគ្រាប់បណ្ដាល ឲ្យស្លាប់ជនបរទេស សញ្ជាតិអូស្ត្រាលី ម្នាក់ និងរបួសធ្ងន់ ២ នាក់ ជាក្រុមគ្រូបច្ចេកទេស៕
