ស្ត្រីម្នាក់ ត្រូវគេរំលោភសម្លាប់ ចសម្លាប់ទម្លាក់ចូលទៅក្នុងទឹកអណ្ដូង នៅស្រុកសង្កែ
បាត់ដំបង៖ ស្ត្រីម្នាក់ ត្រូវបានគេប្រទះឃើញដេកស្លាប់ ដែលករណីនេះសមត្ថកិច្ចមូលដ្ឋានដាក់ការសង្ស័យថា រំលោភសេពសន្ថវៈ រួចសម្លាប់ នៅថ្ងៃពុធ ទី២៩ ខែសីហា ឆ្នាំ២០១៨ វេលាម៉ោង ១៨និង៣០នាទី នៅចំណុចវាលស្រែអូរបន្ទាត់មាស ក្រុមទី២៩ ភូមិស្វាយស ឃុំតាប៉ុន ស្រុកសង្កែ ។
លោកវរសេនីយ៍ឯក ស៊ុន សុវណ្ណ អធិការនគរបាលស្រុកសង្កែ បានឲ្យដឹងថា កម្លាំងសមត្ថកិច្ចបានប្រទះឃើញ សាកសពស្ត្រីរងគ្រោះ ស្លាប់ក្នុងរូបភាពអាក្រាតកាយ (អត់ខោ មានអាវ) ជនរងឝ្រោះឈ្មោះ ឆន សឿត អាយុ ២៦ឆ្នាំ រស់នៅភូមិស្វាយស ឃុំតាប៉ុន ស្រុកសង្កែ ត្រូវបានជនមិនស្គាល់អត្តសញ្ញាណ បានចាប់រំលោភសេពសន្ថវៈ រួចសម្លាប់ទម្លាក់ចូលទៅក្នុងទឹកអណ្ដូង ។
ករណីនេះ កម្លាំងនគរបាលជំនាញខេត្ត និងកម្លាំងអធិការដ្ឋាននគរបាលស្រុកសង្កែ កំពុងពិនិត្យកន្លែងកើតហេតុ និងធ្វើការស្រាវជ្រាវរកមុខជនល្មើស ដើម្បីយកមកផ្តន្ទាទោសតាមច្បាប់ ៕