ប៉ូលិសចរាចរណ៍ ព្រួញ ០៧ បើករថយន្តបុកសាលាពេទ្យ ទាំងស្រវឹងជោកជាំ តើខុសច្បាប់ដែរឬទេ
ភ្នំពេញ៖ បុរសម្នាក់ដែលគេស្គាល់ច្បាស់ថា ជានាយរងការិយាល័យនគរបាលចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញម្នាក់ ចេញពីផឹកស៊ីវិញស្រា បានបេីករថយន្តឡង់គ្រីស័រ LAND CRUISER ស៊េរីឆ្នាំ២០២១ ពាក់ស្លាកលេខ “កម្ពុជា 3456.MSK” រេចង្កូតជ្រុលទៅបុកនិងរបងសាកលវិទ្យាល័យវិទ្យាសាស្ត្រសុខាភិបាល បណ្តាលឲ្យរងការខូចខាត កាលពីវេលាម៉ោង១០:៥០នាទីយប់ ថ្ងៃទី២៧ ខែមេសា ឆ្នាំ២០២២ ត្រូវចំនុចផ្លូវ១៨៣ កែងផ្លូវ២៧១ សង្កាត់ទំនប់ទឹក ខណ្ឌបឹងកេងកង ។ មន្ត្រីនគរបាលរូបនោះឈ្មោះ វរសេនីយ៍ទោ មួង សុខា នាយករងការិយាល័យចរាចរណ៍ក្រុង នាម ព្រួញ ០៧៕