ប្រណាំងរថយន្ដ OFF ROAD លទ្ធផលទទួលយកបាន
ភ្នំពេញ៖ប្រធានក្រុម OFF ROAD បេ អឹម លោក លន់ បូរ៉ា បានឲ្យដឹងថាថា កាប្រកួតរយៈពេល២ថ្ងៃនេះ ក្រុម បេ អឹម ធ្វើបាន៤ជុំ និង២ជុំ មិនបានល្អ តែពិន្ទុទទួលយកបាន ពីការប្រណាំងរថយន្ត Off Road គម្រប់ខួប២០ឆ្នាំ (THE MAGNIFICENT TEN 2022 ) ខេត្ត កាឆាណាក់បូរី ប្រទេសថៃ។
ប្រធានក្រុម OFF ROAD បេ អឹម រូបនេះនិយាយថាការប្រណាំង២ថ្ងៃមកនេះ យើងធ្វើដល់គោលដៅទាំងអស់ រីឯរថយន្តប្រណាំងក៏មិនមានបញ្ហាបច្ចេកទេសអ្វីឡើយ ដូច្នេះសម្រាប់ថ្ងៃបន្ទាប់ នឹងបន្តធ្វើអោយបានល្អ។
លោក លន់ បូរ៉ា បន្ថែមថា កាប្រកួតជាលក្ខណៈអន្តរជាតិនេះ ទទួលបានបទពិសោធន៍ល្អៗ ពីកីឡាករបរទេស ដូចជា ថៃ ម៉ាឡេស៊ីឡាវជាដើមដើម្បីយកទៅកែសម្រួលបច្ចេកទេសរថយន្តចែករំលែកទៅបងប្អូនអ្នកស្រឡាញ់រថយន្តOFF ROADឬយករថយន្តមកកែច្នៃអោយត្រឹមត្រូវនិងមានសុវត្តិភាពតាមស្តង់
ដារ។
លទ្ធផលសម្រាប់ថ្ងៃទី១ ក្រុមកម្ពុជាខេមកូ 4×4 ទទួលបានចំណាត់ថ្នាក់លេខ២២ ខណៈក្រុម B M លេខ២៥ ឯក្រុមគោព្រៃមណ្ឌលគីរី លេខ៣៣។ រីឯ២ជុំថ្ងៃទី២ ក្រុមខេមកូ 4×4 បានចំណាត់ថ្នាក់លេខ១៨ , ក្រុម B M លេខ២៦ និងក្រុមគោព្រៃមណ្ឌលគីរី លេខ៣០។
ព្រឹត្តិការណ៍ប្រណាំងរថយន្ត OFFROAD គម្រប់ខួប២០ឆ្នាំ ដែលរៀបចំធ្វើនៅ ខេត្តកាឆាណាក់បូរី ប្រទេសថៃ មានរថយន្តប្រណាំងប្រមាណជាង ១០០គ្រឿង ចូលរួម ដោយមកពី ៤ប្រទេស រួមមាន ម៉ាឡេស៊ី ឡាវ កម្ពុជា និងថៃជាម្ចាស់ផ្ទះ។ ក្នុងការប្រកួតនោះ កម្ពុជាបញ្ជូន៣ក្រុម ស្មើ៩រថយន្ត មាន «ក្រុមខេមបូ 4×4» , ក្រុម BM Garage និង «ក្រុមគោព្រៃ មណ្ឌលគិរី»៕