សម្តេចតេជោ អរគុណក្រុមហ៊ុន W&D ដែលបានទទួលយកកូនក្មួយកម្មករវិលត្រឡប់ទៅចូលធ្វើការងារវិញ

សម្តេចតេជោនាយករដ្ឋមន្រ្តី នៅថ្ងៃទី២៧មីនានេះ បានសុំអរគុណក្រុមហ៊ុន W&D ដែលបានទទួលយកកូនក្មួយកម្មករវិលត្រឡប់ទៅចូលធ្វើការងារវិញ តាមការអំពាវនារវរបស់ខ្ញុំកាលពីពេលថ្មីៗនេះ។

តាមរយ:បណ្តាញសង្គមហ្វេសប៊ុក សម្តេចតេជោ បានថ្លែងថា សូមក្មួយៗកុំធ្វើកូដកម្ម ដែលបង្កផលប៉ះពាល់យ៉ាងខ្លាំងដល់សង្វាក់ផលិតរបស់រោងចក្រ។ ទាំងក្រុមហ៊ុនម្ចាស់រោងចក្រ និងកម្មករ គឺត្រូវនិយាយគ្នារកដំណោះស្រាយសមស្របល្អនានា ដើម្បីកុំអោយប៉ះពាល់ដល់ប្រយោជន៍របស់ក្រុមហ៊ុនផង និងផលប្រយោជន៍កូនក្មួយកម្មករផង៕