ប្រទេសសឹង្ហបុរី,ប្រទេសឥណ្ឌា ប្រកាសទិញថ្នាំលើសឈាមវិញ ព្រោះអាចកើតជំងឺមហារីកធ្ងន់ធ្ងរ ដល់អ្នកប្រើ ខណៈថ្នាំប្រភេទនេះកំពុងចរាចរណ៏ទីផ្សារ
ភ្នំពេញ៖ ទាំងរោងចក្រផលិតឱសថ Hetero Labs នេះ អាជ្ញាធរវិទ្យាសាស្ត្រសុខាភិបាល សឹង្ហបុរី បានប្រកាសប្រមូលថ្នាំ និងបញ្ជាក់ពីកម្រិតគ្រោះថ្នាក់ ថ្នាំជំងឺលើសឈាម ៣ប្រភេទ ក្រោយរកឃើញថា អាចបង្កជាជំងឺមហារីកបាន។
សារធាតុពុល Nitrosamine លើសកម្រិតដែលមានក្នុងពពួកថ្នាំ Losartan ទម្រង់ ៥០មិល្លីក្រាម និង ១០០មិល្លីក្រាម មានថ្នាំ Hypergen, Losagen និង Losartas ផលិតដោយក្រុមហ៊ុនផលិតឱសថ Hetero Labs របស់ឥណ្ឌា ត្រូវបានក្រសួងសុខាភិបាល ប្រទេសនេះ (សឹង្ហបុរី) អះអាងថា ពិតជាខុសកម្រិតស្ដង់ដារ (លើសបរិមាណធាតុផ្សំ) និងអាចឈានដល់បង្កជារោគមហារីកពិតមែន ប្រសិនបើអ្នកជំងឺ(លើសឈាម) នៅតែបន្តប្រើប្រាស់រយៈវែង។
ដោយសារតែឥទ្ធិពលថ្នាំ មិនបង្កហានិភ័យភ្លាមៗ ក្រសួងសុខាភិបាលពន្យល់បន្ថែមថា ស្ថានភាពអ្នកជំងឺពិតជាត្រូវការថ្នាំនេះ ដើម្បីទប់ទល់គ្រោះថ្នាក់ ដូច្នេះ អ្នកជំងឺដែលកំពុងប្រើ ថ្នាំទាំង ៣ប្រភេទនេះ នៅបន្តប្រើធម្មតា ដោយសារផលប៉ះពាល់ស្ថិតក្នុងកម្រិតទាបនៅឡើយ ហើយត្រូវការពេលយូរក្នុងការវិវឌ្ឍន៍ទៅជាមហារីក។
គ្រូពេទ្យទាំងរដ្ឋនិងឯកជន ទូទាំងប្រទេសសឹង្ហបុរី បានចេញវេជ្ជបញ្ជា ឲ្យអ្នកជំងឺ ប្រើប្រាស់ថ្នាំប្រភេទទាំងនេះ ក្នុងចំណោមអ្នកជំងឺ(លើសឈាម) សរុបប្រមាណ ១៣៧.០០០នាក់ ។ នេះបើតាមតួលេខ ដែលចេញដោយក្រសួងសុខាភិបាលប្រទេសនេះ។
រដ្ឋបាលចំណីអាហារ និងឱសថអាមេរិក អះអាងថា ក្រុមហ៊ុន Hetero Labs បានប្រកាសប្រមូលថ្នាំរបស់ខ្លួនយ៉ាងច្រើនសន្ធឹកសន្ធាប់ទៅវិញ តាំងពីខែមុនម៉្លេះ ហើយទីផ្សារបរទេសមួយចំនួនក៏ដូចគ្នា។ ឆ្លើយតបទៅនឹង ការប្រកាសប្រមូលនេះ ក្រសួងសុខាភិបាលសឹង្ហបុរី បានធ្វើតេស្ដថ្នាំ Losartan ១០មុខ ហើយជាលទ្ធផល រកឃើញថា ៣មុខ (Hypergen, Losagen និង Losartas) ដែលបានបញ្ជាក់ខាងលើ មានបញ្ហា។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យឬព្យាបាលជូនទេ៕