ឃាត់ជនសង្ស័យម្នាក់ ដកហូតបាន ថ្នាំញៀន២៩កញ្ចប់
ភ្នំពេញ ៖ កម្លាំងល្បាតនៃនគរបាលខណ្ឌមានជ័យ បានឃាត់ខ្លួនជនសង្ស័យម្នាក់ ដែលសកម្មនឹងការចែកចាយគ្រឿងញៀន នៅចំណុចសំណង់មិនរៀបរយ ផ្លូវ៦០ម៉ែត្រ ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។
លោក ម៉េង វិមានដារា អធិការខណ្ឌមានជ័យ បានប្រាប់ថា កាលវេលាម៉ោង២០ម៉០០នាទី ថ្ងៃទី២៦ ខែមិថុនា ឆ្នាំ២០១៩ កម្លាំងនគរបាលប៉ុស្តិ៍សង្កាត់ចាក់អង្រែលើបានធ្វើការល្បាតពួនស្ទាក់នៅក្នុងមូលដ្ឋាន ហើយពេលមកដល់ចំណុច សំណង់មិនរៀបរយ ផ្លូវ៦០ម៉ែត ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ក៏បានឃាត់ខ្លួនជនសង្ស័យចំនួន ០១នាក់ ពីបទជួញដូរដោយខុសច្បាប់នូវសារធាតុញៀន ដែលមានឈ្មោះ សយ វិសាល ហៅឡឹប ភេទប្រុស អាយុ ១៨ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ (ឃាត់ខ្លួន)។
វត្ថុតាងដកហូតបានរួមមាន៖ ក្រាមពណ៍សថ្លា សង្ស័យជាគ្រឿងញៀន ២៩ កញ្ចប់ថង់តូច។
បច្ចុប្បន្នជនសង្ស័យឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី៕