អភិបាលខណ្ឌបឹងកេងកង បន្តចុះពិនិត្យការចាក់វ៉ាក់សាំង បង្ការជំងឺកូវីដ១៩ ដល់កុមារអាយុ ៦ដល់១២ឆ្នាំ និងដូសទី៣..!

ភ្នំពេញ៖លោកស្រីសុិន រតនា អភិបាលរងខណ្ឌបឹងកេងកងបានប្រាប់អោយដឹងថាដោយកាលពីព្រឹកថ្ងៃទី១៣ខែតុលាឆ្នាំ២០២១នេះលោកអភិបាលខណ្ឌបឹងកេងកងធឹម សំអាន ដោយបានបន្តដំណើរអញ្ជើញ
ចុះមកត្រួតពិនិត្យរាល់សកម្មភាពចាក់វ៉ាក់សាំងបង្ការជំងឺកូវីដ១៩ជូនដល់កូនចៅប្រជាពលរដ្ឋដែលជាកុមារមានអាយុចាប់ពី ០៦ ឆ្នាំទៅដល់ ១២ ឆ្នាំ និង ដូសជំរុញ(ដូសទី៣) នៅមណ្ឌលសុខភាពទួលស្វាយព្រៃដែលស្ថិតនៅតាមបណ្ដោយ ផ្លូវ៣៦៤ ក្នុងមូលដ្ឋានសង្កាត់ទួលស្វាយទី២ និង មណ្ឌលសាលាបឋមសិក្សាវត្តមហាមន្រ្តីក្នុងមូលដ្ឋានខណ្ឌបឹងកេងកង នៃរាជធានីភ្នំពេញ។

ឆ្លៀងក្នុងឱកាសនោះផងដែរលោកអភិបាលខណ្ឌបឹងកេងកងធឹម សំអាន ក៏បានជួបសំណេះសំណាលដោយសាកសួរសុខទុក្ខដល់ក្រុមការងារសម្របសម្រួលនៃការចាក់វ៉ាក់សាំងបង្ការជំងឺកូវីដ១៩ជូនដល់កូន ចៅ ប្រជាជននៅក្នុងមូលដ្ឋាន និង ប្រជាជនដែលមកទទួលការចាក់វ៉ាក់សាំងបង្ការជំងឺកូវីដ-១៩ ដូសជុំរុញដោយស្ម័គ្រចិត្ត និង ដោយឥតគិតថ្លៃ នៅមណ្ឌលសុខភាពខាងលើផងដែរ។

ជាមួយគ្នានោះលោកធឹម សំអាន អភិបាលខណ្ឌបឹងកេងកង បានមានមតិលើកឡើងក្នុងន័យគិតគូពីសុខទុក្ខបងប្អូនប្រជាជននៅក្នុងមូលដ្ឋានអោយបន្តថែទាំសុខភាព និង ចូលរួមអនុវត្តន៍នូវវិធានការដោយបង្ការទប់ស្កាត់នៃជំងឺកូវីដ១៩តាមការណែនាំរបស់ក្រសួងសុខាភិបាល និង អនុវត្តន៍អោយបានខ្ជាប់ខ្ជួននូវវិធានការ«៣ការពារ និង ៣កុំ»ដើម្បីសុវត្ថិភាពដល់យើងទាំងអស់គ្នាពោលគឺយើងរួមដៃគ្នាប្រយុទ្ធប្រឆាំងមេរោគកូវីដ១៩៕