ស្លាប់ម្នាក់និងរងរបួសធ្ងន់ស្រាល៦នាក់ដោយរថយន្តបើកបុកទ្រូងផ្លូវក្រឡាប់ផ្ទុះឆេះនៅលើផ្លូវល្បឿនលឿន ក្នុងខេត្តកំពង់ស្ពឺ

កំពង់ស្ពឺ៖រថយន្តគ្រួសារ១គ្រឿង ម៉ាកតូយូតាឡង់គ្រីស័រពណ៌ស ដឹកមនុស្ស៧នាក់ធ្បើដំណើលើផ្លូវល្បឿនលឿន បានបើកបុកទ្រូងផ្លូវក្រឡាប់ផ្ទុះឆេះបណ្តាលឱ្យស្លាប់មនុស្សម្នាក់ និង៦នាក់ទៀតរងរបួសធ្ងន់ និងស្រាល។ ហេតុការណ៍នេះ បានកើតឡើងវេលាម៉ោង ១១៖៤៨នាទីថ្ងៃត្រង់ ថ្ងៃទី ២២ ខែកុម្ភៈ ឆ្នាំ២០២៦។ 

សមត្ថកិច្ច បានឱ្យដឹងថា រថយន្តជួបឧប្បត្តិហេតុខាងលើនេះ ម៉ាកតូយូតាឡង់គ្រីស័រ ពណ៌ស ពាក់ផ្លាកលេខភ្នំពេញ 2BM-9888 បានក្រឡាប់លើល្បឿនលឿន ចន្លោះ គីឡូម៉ែត្រលេខ៣៤-៣៥ ស្ថិតនៅភូមិកំណប់ សង្កាត់ស្វាយក្រវ៉ាន់ ក្រុងច្បារមន ខេត្ត កំពង់ស្ពឺ។

មន្ត្រីមូលដ្ឋានបញ្ជាក់ថារថយន្តខាងលើនេះ បានបើកបរពីទិសពីខាងលិច ទៅទិស ខាង កើត លុះមកដល់ចំណុចខាងលើ ករណី នេះកេីតឡេីងដោយសាររថយន្តរេចង្កូតទៅបុករនាំងទ្រូងផ្លូវបណ្ដាលឲ្យឆេះតែម្ដង។

សមត្ថកិច្ចមូលដ្ឋានឱ្យដឹងថា ជនរងគ្រោះក្នុងហេតុការណ៍នេះសរុបមាន ចំនួន ៧នាក់ ក្នុងនោះមាន៖ ១- អ្នកបើកបរឈ្មោះ ជា ប៉ូលីន ភេទស្រីអាយុ ៣៨ឆ្នាំ, ២-ឈ្មោះ ស៊ីវ អ៊ី ភេទស្រី អាយុ ៣១ឆ្នាំ, ៣- ឈ្មោះ ចេង ណៃស៊ត ភេទស្រី អាយុ ៦៦ឆ្នាំ, ៤- ឈ្មោះ ជា ឆោម ភេទប្រុស អាយុ ៧៧ឆ្នាំ, ៥- ឈ្នោះ អ៊ឹង ស៊ុយឈៀង ភេទប្រុស អាយុ ១៥ឆ្នាំ,៦- ឈ្មោះ អ៊ឹង ស៊ុយហ្គិាច ភេទស្រីអាយុ ១០ឆ្នាំ អ្នកទាំង ៦អ្នករស់នៅភូមិ៣ សង្កាត់២ ក្រុងព្រះសីហនុ ខេត្តព្រះសីហនុ និងទី៧. ឈ្មោះ សូរ ដារ៉ាគន្ធី ភេទស្រីអាយុ ៤៥ឆ្នាំ រស់នៅភូមិបាជ័យ ឃុំសណ្តាន់ ស្រុកសណ្តាន់ ខេត្តកំពង់ធំ បានស្លាប់ភ្លាមៗ នៅ កន្លែង កើតហេតុ។

ក្រោយកើតហេតុរថយន្តត្រូវបានចរាចរណ៍នាយកដ្ឋានសណ្តាប់ធ្នាប់សាធារណៈ យកទៅរក្សាទុក ដើម្បីចាត់នីតិវិធីបន្ត។  ដោយឡែកសពជនរងគ្រោះ បានប្រគល់ឱ្យសាច់ញាតិដឹកយកទៅធ្វើបុណ្យតាមប្រពៃណី៕