ស្រ្តីម្នាក់រួមជាមួយអង្គរក្ស ធ្វើសកម្មភាពវាយបំផ្លាញទ្រព្យអ្នកដទៃ បានទទួលកំហុសនិងសងសំណងដល់ភាគីរងការខូចខាត
ភ្នំពេញ៖នៅព្រឹកថ្ងៃទី២២ ខែឧសភា ឆ្នាំ២០២៦ រដ្ឋបាលខណ្ឌ៧មករា ដោយមានការយកចិត្តទុកដាក់ និងចង្អុលបង្ហាញពី លោក ថេង សុថុល អភិបាល នៃគណៈអភិបាលខណ្ឌ៧មករា បានចាត់ឱ្យ លោក ឌី រ័ត្នខេមរុណ អភិបាលរងខណ្ឌ៧មករា ដឹកនាំក្រុមការងាររដ្ឋបាលខណ្ឌ៧មករា ចុះពិនិត្យមើលទីតាំងមានវិវាទ នៃការសាងសង់រោងដែកប្រក់ស័ង្កសី ដែលមានទំហំទទឹង៣.៦០ម៉ែត្រ និងបណ្តោយ៩.៧០ ម៉ែត្រ មានទីតាំងស្ថិតនៅផ្លូវលេខ១៤៩ ភូមិ៣ សង្កាត់វាលវង់ ខណ្ឌ៧មករា រាជធានីភ្នំពេញ។
លុះមកដល់នារសៀល ថ្ងៃទី២២ ខែឧសភា នេះផងដែរ លោក វរសេនីយ៍ឯក ជុន ប៊ុនណាន អធិការនគរបាលខណ្ឌ៧មករា បានអញ្ជើញភាគីទាំងសងខាង យោងតាមពាក្យបណ្ដឹងរបស់ជនរងគ្រោះ មកអធិការដ្ឋាននគរបាល ធ្វើការសម្របសម្រួលគ្នាដើម្បីបញ្ចប់រឿង៕
