មន្ទីរសាធារណការ ខេត្តព្រះវិហារ បើកកិច្ចប្រជុំឆ្លងរបាយការណ៍លទ្ធផលការងារប្រចាំខែសីហានិងទិសដៅអនុវត្តបន្តសម្រាប់ខែកញ្ញាឆ្នាំ២០១៩
ខេត្តព្រះវិហារ៖មន្ទីរសាធារណការ និងដឹកជញ្ជូនខេត្តព្រះវិហារ កាលពីព្រឹកថ្ងៃចន្ទទី១៩ខែសីហាឆ្នាំ២០១៩នេះបានបើកកិច្ចប្រជុំឆ្លងរបាយការណ៍លទ្ធផលការងារប្រចាំខែសីហានិងទិសដៅអនុវត្តបន្តសម្រាប់ ខែកញ្ញាឆ្នាំ២០១៩ រួមជាមួយនឹងការផ្សព្វផ្សាយលិខិតបទដ្ឋានគតិយុត្តមួយចំនួន ដូចជាព្រះរាជក្រឹត្យអនុក្រិត្យប្រកាសនិងសេចក្តីជូនដំណឹង របស់ ក្រសួងសាធារណការ និងដឹកជញ្ជូន ដល់អង្គប្រជុំផងដែរ។
លោកសំលាងទ្រីប្រធានមន្ទីរសាធារណការ និងដឹកជញ្ជូនខេត្តព្រះវិហារ បានអោយដឹងថានេះជាកិច្ចប្រជុំលើកទី៨ ដែលលោកបានដឹកនាំកិច្ចប្រជុំ
នៅសាលប្រជុំធំ របស់មន្ទីរសាធារណការ និងដឹកជញ្ជូនខេត្តព្រះវិហារសំរាប់ឆ្នាំនេះហើយកិច្ចប្រជុំនេះធ្វើឡើងដើម្បីឆ្លងរបាយការណ៍ ស្តីពីលទ្ធផលការងារប្រចាំខែសីហានិងទិសដៅអនុវត្តបន្តសម្រាប់ ខែកញ្ញាឆ្នាំ២០១៩ និងបានផ្សព្វផ្សាយលិខិតបទដ្ឋានគតិយុត្តមួយចំនួន ដូចជាព្រះរាជក្រឹត្យអនុក្រិត្យប្រកាសនិងសេចក្តីជូនដំណឹង របស់ ក្រសួងសាធារណការ និងដឹកជញ្ជូន ដល់អង្គប្រជុំផងដែរ។
លោកបញ្ជាក់ថាទន្ទឹមនឹងនោះ ក៏បានប្រគល់សំភារះការិយាល័យមួយចំនួនមាន តុ កៅអី និងកុំព្យូទ័រ(កំផ្លេ)ដល់ការិយាល័យច្រកចេញចូលតែមួយ សំរាប់បំរេីវិស័យសាធារណការ ដូចជាស្រុករវៀង និងការិយាល័យប្រជាពលរដ្ឋ សាលាខេត្តព្រះវិហារជាដេីម។
ក្នុងឱកាសនោះលោកសំលាងទ្រីក៏បានថ្លែងអំណរគុណដល់មន្ត្រី សាធារណការ និងដឹកជញ្ជូន ក្រុង–ស្រុក-ខេត្ត នៃខេត្តព្រះវិហារ ទាំងអស់ ដែលបានខិតខំបំពេញភារកិច្ចបានល្អប្រសេីរ ក្នុងរយះពេលមួយខែកន្លងមកនេះ រួមទាំងការងារជួសជុល ថែទាំផ្លូវថ្នល់ ការផ្ដល់សេវាសាធារណ:ជូនប្រជាពលរដ្ឋ និងការផ្សព្វផ្សាយច្បាប់ចរាចរណ៍ជាដេីម៕