កម្មការិនីម្នាក់ត្រូវរថយន្តកិនបែកក្បាលស្លាប់ ហើយរថយន្តបើករត់បាត់
ព្រះសីហនុ៖ ករណីគ្រោះថ្នាក់ចរាចរបណ្ដាលឲ្យស្ត្រីម្នាក់ស្លាប់នៅនិងកន្លែងកើតហេតុតាមបណ្ដោយផ្លូវជាតិលេខ៤ ជិតរោងចក្រ ញូវស្តារ ភូមិ១ សង្កាត់លេខ១ ក្រុងព្រះសីហនុ។
ហេតុការណ៍នេះបានកើតឡើងកាលពីម៉ោង៧:០០នាទី ថ្ងៃទី ១៨ ខែតុលាឆ្នាំ ២០១៩ ដោយតាមអត្តសញ្ញាណប័ណ្ណជនរងគ្រោះឈ្មោះ សុខ លីណា ភេទស្រី អាយុ ២៧ឆ្នាំ មានទីលំនៅ ភូមិថ្មធំ ឃុំរាម ស្រុកព្រៃនប់ ខេត្តព្រះសីហនុ។ ករណីនេះត្រូវបានគេសង្ស័យថា រថយន្តបុកកិនហើយរថយន្តបានបន្តដំណើរគេចបាត់។
បច្ចុប្បន្នសមត្ថកិច្ចកំពុងស្រាវជ្រាវរករថយន្តបង្កហេតុ ចំណែកសាកសពស្ត្រីរងគ្រោះត្រូវបានសាច់ញាតិយកទៅធ្វើបុណ្យតាមប្រពៃណីហើយ៕
